കല്‍പ്പറ്റ: ഓണക്കാലത്ത് കെ.എസ്.ആര്‍.ടി.സിക്ക് വരുമാനം വര്‍ധിച്ചു. സംസ്ഥാനത്താകെ വരുമാനം 40 കോടി കടന്നു. ജില്ലയിലെ മൂന്ന് ഡിപ്പോകളിലായി ഓണക്കാലത്തെ അധിക വരുമാനം 15 ലക്ഷം രൂപ.
ഉത്രാടത്തിനും അവിട്ടത്തിനുമായിരുന്നു കൂടുതല്‍ പേര്‍ കെ.എസ്.ആര്‍.ടി.സിയില്‍ യാത്ര ചെയ്തത്. അത്തം മുതല്‍ തന്നെ തിരക്ക് തുടങ്ങിയിരുന്നു. ഉത്രാടത്തിനും അവിട്ടത്തിനും മൂന്ന് ലക്ഷം രൂപ വീതം അധിക വരുമാനം ഉണ്ടായി.
തിരുവോണ നാളില്‍ രണ്ടര ലക്ഷം രൂപയുടെ വര്‍ധനവുണ്ടായി. അധിക സര്‍വിസ് നടത്തിയാണ് കെ.എസ്.ആര്‍.ടിസി ആളുകളെ സഹായിച്ചത്. ഭീര്‍ഘ ദൂരയാത്രക്ക് അധിക പേരും ആശ്രയിക്കുന്നത് കെ.എസ്.ആര്‍.ടി.സിയെയാണെന്നുള്ളതിന് തെളിവാണ് വരുമാനത്തിലുണ്ടായ വര്‍ധനവ്.