തിരുവനന്തപുരം: അന്തര്‍സംസ്ഥാന ബുള്ളറ്റ് മോഷണസംഘം തിരുവനന്തപുരം സിറ്റി ഷാഡോ പൊലിസിന്റെ പിടിയിലായി.
തിരുവനന്തപുരം വര്‍ക്കല പാളയംകുന്ന് സ്വദേശികളായ സഫീര്‍, അനീസ് ,വര്‍ക്കല ചീറക്കൂര്‍ സ്വദേശി ഷിബി എന്നിവരാണ് പിടിയിലായത്.
കൊട്ടാരക്കര സ്വദേശിയായ ജോസിന്റെ ബുള്ളറ്റ്, ത്യശൂര്‍ വലപ്പാട് സ്വദേശി നീഖിലിന്റെ ബുള്ളറ്റ്, തൃശൂര്‍ പുതുക്കാട് സ്വദേശികളുടെ ബുള്ളറ്റും യമഹ ബൈക്ക് എന്നിവ ഇവര്‍ മോഷ്ടിച്ചതായി തെളിഞ്ഞിട്ടുണ്ട്. മോഷ്ടിച്ച് എടുത്ത ബൈക്കുകളിള്‍ ഇവരുടെ സുഹൃത്തുക്കളുടെ ബുള്ളറ്റിന്റെ നമ്പര്‍ പ്ലേറ്റും ആര്‍.സി ബുക്കിന്റെ കോപ്പിയും സംഘടിപ്പിച്ച് വിദ്യാഭ്യാസം കുറഞ്ഞ ആളുകള്‍ക്കും വിദ്യാര്‍ഥികള്‍ക്കും വില്‍പ്പന നടത്തുന്നതാണ് ഇവരുടെ രീതി.
ഇത്തരത്തില്‍ ബൈക്കുകള്‍ വില്‍ക്കുന്നതായി തിരുവനന്തപുരം സിറ്റി പൊലിസ് കമ്മിഷണര്‍ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍ നിയോഗിച്ച ഷാഡോ ടിം അംഗങ്ങള്‍ ബുള്ളറ്റ് ആവശ്യം ഉണ്ടെന്ന് വ്യജ്യേന ഇവരെ സമീപിക്കുകയും ബുള്ളറ്റുമായി വന്ന ഇവരെ കസ്റ്റഡിയില്‍ എടുക്കുകയും ചെയ്തു.
ആഢംബര കാറുകളില്‍ രാത്രികാലങ്ങളില്‍ കറങ്ങി റോഡു സൈഡുകളില്‍ പാര്‍ക്ക് ചെയ്തിരിക്കുന്ന വാഹനങ്ങളാണ് ഇവര്‍ മോഷണം നടത്തുന്നത്.
മോഷണം കൂടാതെ ഇവര്‍ മോഷ്ടിച്ചെടുത്ത ബൈക്കുകളില്‍ നിന്നും മറ്റും ലഭിച്ച തിരിച്ചറിയല്‍ രേഖകള്‍ നല്‍കി കാറുകള്‍ വാടകയ്ക്ക് എടുത്തതിന് ശേഷം ഫൈനാന്‍സ് ഇട്ട് വന്‍ തുകകള്‍ കബളിപ്പിച്ചിരുന്നതായും പൊലിസിനോട് സമ്മതിച്ചിട്ടുണ്ട്.
ബൈക്ക് മോഷണം നടത്തുന്ന മറ്റ് സംഘത്തെക്കുറിച്ച് ഇവരില്‍ നിന്നും വിവരങ്ങള്‍ ലഭിചിട്ടുണ്ട്.
തിരുവനന്തപുരം സിറ്റി പൊലിസ് കമ്മിഷണര്‍ പി.പ്രകാശിന്റെ നിര്‍ദ്ദേശ പ്രകാരം ഡി.സി.പി ജി.ജയദേവിന്റെ മേല്‍നോട്ടത്തിന്‍ കണ്‍ട്രോള്‍ റൂം എ.സി.പി സുരേഷ് കുമാര്‍ വി, കണ്‍ടേണ്‍മെന്റ് എസ്.ഐ മുഹമ്മദ് ഷാഫി, ഷാഡോ എസ്.ഐ സുനില്‍ ലാല്‍, ഷാഡോ ടിം അംഗങ്ങള്‍ എന്നിവരാണ് അന്വേഷണത്തിനും അറസ്റ്റിനും നേതൃത്വം നല്‍കിയത്.