തേഞ്ഞിപ്പലം: മഹാരാഷ്ട്രയിലെ നാസിക്കില്‍ നടന്ന സീനിയര്‍ നാഷണല്‍ ഫൂട്ട് വോളി ചാംപ്യന്‍ഷിപ്പില്‍ കേരളത്തെ പ്രതിനീധീകരിച്ചു മികവു തെളിയിച്ചവരില്‍ കൂടുതല്‍ പേരും മലപ്പുറം ജില്ലക്കാര്‍. അന്‍ഫസ് കെ, ജംഷീര്‍.കെ, നുഫൈല്‍. കെ.ടി, സഹീര്‍ .വി, അര്‍ജുന്‍.ടി, റമീസ് കെ.കെ ഐസന്റ്, പരീശീലകന്‍ മുസ്തഫ തുടങ്ങിയവരാണു കേരളത്തെ പ്രതിനിധീകരിച്ചു ജില്ലയില്‍നിന്നുമുള്ളവര്‍.
കേരളം പ്രീക്വാര്‍ട്ടര്‍, ക്വാര്‍ട്ടര്‍, സെമിഫൈനല്‍ പഞ്ചാബിനെയും തോല്‍പ്പിച്ചു ഫൈനലില്‍ പ്രവേശിച്ചു. ഫൈനലില്‍ കേരളം തമിഴ്‌നാടിനോട് അവസാന സെറ്റില്‍ പരാജയപ്പെട്ടു. പരപ്പനങ്ങാടി മണല്‍പ്രദേശത്തും തേഞ്ഞിപ്പലം ആലുങ്ങലിലെ മൈതാനിയിലുമായിട്ടാണ് പ്രാക്ടീസ് നടത്തുന്നത്.