ന്യൂഡല്‍ഹി: ക്രിസ്തുവിന്റെയും മോദിയുടെയും സ്വപ്‌നങ്ങള്‍ ഒന്നാണെന്ന് കേന്ദ്രമന്ത്രി അല്‍ഫോന്‍സ് കണ്ണന്താനം. ക്രിസ്തു അഴിമതിക്കെതിരേ പോരാടി, അസമത്വത്തിനെതിരേ പോരാടി. അതിനാല്‍ മോദിയുടെ സ്വപ്‌നങ്ങള്‍ക്ക് ക്രിസ്തു മതം പറയുന്നതുമായി സാമ്യതയുണ്ടെന്ന് കണ്ണന്താനം പറഞ്ഞു. ദേശീയ മാധ്യമമായ മിന്റിന് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.എല്ലാ കുട്ടികള്‍ക്കും സ്‌കൂളില്‍ പോവണം, എല്ലാ വീടുകളിലും കക്കൂസുകള്‍ വേണം, എല്ലാവര്‍ക്കും ബാങ്ക് അക്കൗണ്ട് വേണം.
ഇതൊക്കെയാണ് മോദിയുടെ ആഗ്രഹങ്ങള്‍. നമ്മുടെ പ്രധാനമന്ത്രി ഒരുപാട് സ്വപ്‌നങ്ങളുള്ള വ്യക്തിയാണ്. എന്റെ ജോലി ആസ്വപ്‌നങ്ങളില്‍ ചിലതെങ്കിലും യാഥാര്‍ഥ്യമാക്കുകയാണ്. അത്‌കൊണ്ടാണ് താന്‍ ആ സ്വപ്‌നത്തിന്റെ ഭാഗമായതെന്ന് അദ്ദേഹം പറഞ്ഞു.