കാബൂള്‍: അഫ്ഗാനില്‍ യു.എസ് നടത്തിയ വ്യോമാക്രമണത്തില്‍ 11 താലിബാന്‍കാര്‍ കൊല്ലപ്പെട്ടു. വ്യാഴാഴ്ച ഉച്ചക്കു ശേഷം നംഗര്‍ഹര്‍ പ്രവിശ്യയിലാണ് ആക്രമണമുണ്ടായത്.

നേരത്തെ ഇവിടെ നടത്തിയ വ്യോമാക്രമണത്തില്‍ 11 ഐ.എസ് ഭീകരര്‍ കൊല്ലപ്പെട്ടിരുന്നു. കഴിഞ്ഞ ഒരു മാസത്തിനിടെ അഫ്ഗാനില്‍ യു.എസ് നടത്തിയ വ്യോമക്രമണങ്ങളില്‍ 120 താലിബാന്‍കാര്‍ കൊല്ലപ്പെട്ടതായി ഔദ്യോഗിക വൃത്തങ്ങള്‍ റിപ്പോര്‍ട്ടു ചെയ്യുന്നു. 20 താലിബാന്‍ കമാന്ഡര്‍മാരും കൊല്ലപ്പെട്ടവരില്‍ ഉള്‍പെടും.

താലിബാന്റെ ശക്തി കേന്ദ്രങ്ങളില്‍ നിന്ന് അവരെ തുടച്ചു നീക്കാനുള്ള നീക്കം വിജയകരമായി മുന്നോട്ടു പോവുകയാണെന്നും സൈനിക വൃത്തങ്ങള്‍ അവകാശപ്പെടുന്നു.