കോഴിക്കോട്: മിഠായിത്തെരുവ് നവീകരണം ഒക്‌ടോബര്‍ അവസാനത്തോടെ പൂര്‍ത്തിയാക്കാന്‍ ജില്ലാ കലക്ടര്‍ യു.വി ജോസിന്റെ അധ്യക്ഷതയില്‍ ചേര്‍ന്ന അവലോകന യോഗം തീരുമാനിച്ചു. ഭൂഗര്‍ഭ വൈദ്യുതി കേബിളിടല്‍ പ്രവൃത്തി പൂര്‍ത്തിയായതായി കെ.എസ്.ഇ.ബി അറിയിച്ചു. ഇനി കടകളില്‍ വൈദ്യുതി കേബിള്‍ പ്രവൃത്തി ഇതിനൊപ്പം നടത്താനുണ്ട്. നവീകരണ പ്രവൃത്തി തടസപ്പെടുത്തും വിധത്തിലും നിര്‍മാണം തകര്‍ക്കും വിധത്തിലും വാഹനങ്ങള്‍ ഓടുന്നത് കര്‍ശനമായി തടയുന്നതിനായി പൊലിസിന് നിര്‍ദേശം നല്‍കും.എസ്.കെ പൊറ്റെക്കാട്ട് പ്രതിമയുടെ സമീപത്തായി മീഡിയം മാസ്റ്റ് ലാമ്പും തെരുവു വിളക്കുകളും സ്ഥാപിക്കും.