മലപ്പുറം: കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളികളുടെ മക്കള്‍ക്ക് സൗജന്യമായി മെഡിക്കല്‍ എന്‍ട്രന്‍സ് പരിശീലനം നല്‍കുന്ന വിദ്യാതീരം പദ്ധതിക്ക്  അപേക്ഷ ക്ഷണിച്ചു.
ഒരു വര്‍ഷത്തെ റസിഡന്‍ഷല്‍ എന്‍ട്രന്‍സ് കോച്ചിങിന് ഒരു വിദ്യാര്‍ഥിക്ക്  ആവശ്യമായ തുക പൂര്‍ണമായും സര്‍ക്കാര്‍ വഹിക്കും. ഹയര്‍ സെക്കന്‍ഡറി  വൊക്കേഷനല്‍ ഹയര്‍ സെക്കന്‍ഡറി തലത്തില്‍ ഫിസിക്‌സ്, കെമിസ്ട്രി, ബയോളജി വിഷയങ്ങള്‍ക്ക് 90 ശതമാനം  മാര്‍ക്ക് അല്ലെങ്കില്‍ കേരള മെഡിക്കല്‍ എന്‍ട്രിന്‍സില്‍ 40 ശതമാനം മാര്‍ക്ക് നേടിയവര്‍ക്ക്  അപേക്ഷിക്കാം. അപേക്ഷാ ഫോം ജില്ലയിലെ മത്സ്യഭവനുകളില്‍ ലഭ്യമാണ്. ഓഗസ്റ്റ്  18നകം അപേക്ഷ മത്സ്യഭവന്‍ ഓഫിസുകളില്‍ ലഭിക്കണം.