അലനല്ലൂര്‍: മാധ്യമപ്രവര്‍ത്തക ഗൗരി ലങ്കേഷിനെ വധിച്ചതില്‍ പ്രതിഷേധിച്ച് പുരോഗമന കലാസാഹിത്യ സംഘം അലനല്ലൂര്‍ ഏരിയ കമ്മിറ്റിയുടെ ആഭിമുഖ്യത്തില്‍ ബഹുജന സംഗമം സംഘടിപ്പിച്ചു. കെ.എ. സുദര്‍ശനകുമാര്‍ ഉദ്ഘാടനം ചെയ്തു. ആശുപത്രിപ്പടിയില്‍ വായ്മൂടിക്കെട്ടി പ്രകടനത്തിന് ശേഷം നടന്ന ചടങ്ങില്‍ ഭാസ്‌കരന്‍ കണ്ണാടിക്കുഴിയില്‍ അധ്യക്ഷനായി. എന്‍. ഉമ്മര്‍ഖത്താബ്, റഷീദ് ആലായന്‍, മധു, ഫിറോസ് കീടത്ത്, പി.കെ. രാധാകൃഷ്ണന്‍ പ്രസംഗിച്ചു. പി. മുസ്തഫ, ടോമിതോമസ്, സോമശേഖരന്‍, മോഹന്‍ദാസ്, വി. അബൂബക്കര്‍, അബ്ദുല്‍സലീം ജാഥക്ക് നേതൃത്വം നല്‍കി.