കോവളം: താലിമാലയും ഹാരവുമണിഞ്ഞ് വധൂവരന്‍മാര്‍ ഉപവാസ സമരപ്പന്തലിലെത്തിയത് കൗതുകമായി.
കോവളം കൊട്ടാരം പൊതുസ്വത്തായി നിലനിറുത്താന്‍ സംസ്ഥാന സര്‍ക്കാര്‍ നടപടി സ്വീകരിക്കമെന്നാവശ്യപ്പെട്ട് എം. വിന്‍സെന്റ് എം.എല്‍.എ കോവളം കൊട്ടാരത്തിന് മുന്നില്‍ നടത്തുന്ന 24 മണിക്കൂര്‍ ഉപവാസ സമര പന്തലിലെത്തിയ വധൂവരന്‍മാരാണ് വിദേശികളടക്കമുള്ള നാട്ടുകാര്‍ക്ക് കൗതുകമായത്.
യൂത്ത് കോണ്‍ഗ്രസ് കോട്ടുകാല്‍ മണ്ഡലം സെക്രട്ടറി ചൊവ്വര സ്വദേശി ഷൈന്‍കുമാറും നവ വധു രഷ്മിയുമാണ് കതിര്‍മണ്ഡപത്തില്‍ നിന്നും കല്യാണ വേഷത്തില്‍ എം.എല്‍.എയ്ക്ക് അഭിവാദ്യമര്‍പ്പിക്കാന്‍ ഉപവാസ സമര പന്തലിലെത്തിയത്. ഇരുവരെയും എം.എല്‍.എ എം. വിന്‍സെന്റ് ഷാള്‍ അണിയിച്ച് സ്വീകരിച്ചു.