ആലത്തൂര്‍: കോര്‍ട്ട് റോഡിലെ മൊബൈല്‍ കട കുത്തി തുറന്ന് മോഷണം നടത്തിയ കേസിലെ ഒന്നാം പ്രതി പോത്തുണ്ടി, അയ്യപ്പന്‍കുന്ന് തിരുത്തപ്പാടം പ്രണവിനെ(25) ആലത്തൂര്‍ പൊലിസ് അറസ്റ്റ് ചെയ്തു.
മറ്റു പ്രതികളായ സിജോണ്‍ ജോയ് ഒലിപ്പാറ, റിന്‍ഷാദ് ഒലിപ്പാറ, ജിബി തോമസ് മംഗലം ഡാം എന്നിവരെ നേരെത്തെ അറസ്റ്റ് ചെയ്തിട്ടുണ്ട്. 29 മൊബൈലുകളും അനുബന്ധ ഉപകരണങ്ങളും അങ്ങെിയ രണ്ട് ചാക്ക് സാധനങ്ങള്‍ ഈ കേസിലെ മറ്റൊരു പ്രതിയായ മംഗലം ഡാമിലെ ജിബി തോമസിന്റെ കളപ്പുരയില്‍ നിന്നും പൊലിസ് കണ്ടെടുക്കുകയായിരുന്നു.
ഈ കഴിഞ്ഞ ജൂണ്‍ മാസത്തിലാണ് കോര്‍ട്ട് റോഡിലെ മൊബൈല്‍ കടയില്‍ 4 പേര്‍ ചേര്‍ന്ന് മോഷണം നടത്തിയത്. മൊബൈലുകള്‍ കോയമ്പത്തൂര്‍ കൊണ്ടു പോയി വില്‍ക്കാന്‍ പദ്ധതി ഇട്ടിരിക്കുന്നതിനിടയിലാണ് അറസ്റ്റ്. പ്രണവിന്റെ പേരില്‍ മറ്റു പല കേസുകളും നിലവിലുണ്ട്.