കൊണ്ടോട്ടി: സലാലയില്‍നിന്ന് കരിപ്പൂരിലെത്തിയ യാത്രക്കാരനില്‍നിന്ന് ഏഴ് ലക്ഷം രൂപയുടെ സ്വര്‍ണം പിടികൂടി. കാസര്‍കോട് സ്വദേശി അശ്‌റഫി(47)ല്‍നിന്നാണ് എയര്‍ കസ്റ്റംസ് ഇന്റലിജന്‍സ് സ്വര്‍ണം പിടികൂടിയത്.
രാവിലെ ഒമാന്‍ എയര്‍ വിമാനത്തിലാണ് അശ്‌റഫ് കരിപ്പൂരിലെത്തിയത്. ഇയാളുടെ ബാഗില്‍നിന്ന് 232 ഗ്രാം സ്വര്‍ണമാണ് കണ്ടെടുത്തത്. ബാഗേജിനകത്ത് സ്വര്‍ണം ഷീറ്റ് രൂപത്തിലാക്കിയാണ് ഒളിപ്പിച്ചിരുന്നത്. സംശയത്തെ തുടര്‍ന്ന് കസ്റ്റംസ് നടത്തിയ പരിശോധനയിലാണ് സ്വര്‍ണം കണ്ടെത്തിയത്.