കോഴിക്കോട്: 22ാമത് സംസ്ഥാന സീനിയര്‍ സോഫ്റ്റ്‌ബോള്‍ ചാംപ്യല്‍ഷിപ്പ് ഇന്ന് സമാപിക്കും. ഇന്നലെ നടന്ന മത്സരത്തില്‍ വനിതാ വിഭാഗം ക്വാര്‍ട്ടര്‍ ഫൈനലില്‍ തിരുവനന്തപുരം പാലക്കാടിനെ 14-12 നും വയനാട് പത്തനംതിട്ടയെ 15-5 നും എറണാകുളം കൊല്ലത്തെ 7-0 ത്തിനും പരാജയപ്പെടുത്തി സെമി ഫൈനലില്‍ പ്രവേശിച്ചു.
പുരുഷ വിഭാഗത്തില്‍ കോഴിക്കോട്, പത്തനംതിട്ട, തൃശൂര്‍, ആലപ്പുഴ, തിരുവനന്തപുരം, വയനാട്, മലപ്പുറം, കാസര്‍കോട് ടീമുകള്‍ ക്വാര്‍ട്ടര്‍ ഫൈനലില്‍ പ്രവേശിച്ചു. ഇന്ന് രാവിലെ ക്വാര്‍ട്ടര്‍, സെമി ഫൈനല്‍ മത്സരങ്ങളും, ഉച്ച കഴിഞ്ഞ് രണ്ടിന് ഫൈനല്‍ മത്സരങ്ങളും നടക്കും.
നാല് മണിക്ക് നടക്കുന്ന സമാപന ചടങ്ങ് കോഴിക്കോട് മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്യും. കേരള സ്‌പോര്‍ട്‌സ് കൗണ്‍സിന്‍ പ്രസിഡന്റ് ടി. പി ദാസന്‍ സമ്മാനദാനം നിര്‍വഹിക്കും.