ചവറ: പയ്യലക്കാവ് കേന്ദ്രമാക്കി പ്രവര്‍ത്തിച്ചു വരുന്ന ജീവ ചാരിറ്റബിള്‍ ട്രസ്റ്റ് ഒന്നാം വാര്‍ഷികത്തോടനുബന്ധിച്ച് ഭക്ഷ്യധാന്യക്കിറ്റും ധനസഹായവും വിതരണം ചെയ്തു.
ധനസഹായം,ഭക്ഷ്യധാന്യക്കിറ്റ് എന്നിവയുടെ വിതരണം എന്‍. വിജയന്‍പിളള എം.എല്‍.എ, ചവറ ബ്ലോക്ക് പഞ്ചായത്തംഗം മോഹന്‍ലാല്‍ എന്നിവര്‍ നിര്‍വഹിച്ചു.
ട്രസ്റ്റ് പ്രസിഡന്റ് രാജീവ് അധ്യക്ഷനായി. ഭരണിക്കാവ് രാജന്‍ മുഖ്യ പ്രഭാഷണം നടത്തി. ജനപ്രതിനിധികളായ സതീശന്‍, സക്കീര്‍ ഹുസൈന്‍, ജിജി, സോഫിയ സാലാം, ഇന്ദിര, ജയ, നിമിഷ, സജിത, മനോഹരന്‍ സംസാരിച്ചു. തുടര്‍ന്ന് ട്രാക് ഗാനമേളയും നടന്നു.