പത്തനാപുരം: ജീവകാരുണ്യ പ്രവര്‍ത്തനങ്ങള്‍ക്ക് മലയാളികള്‍ക്ക് എന്നും മാതൃകയും മാര്‍ഗദീപവുമായ മെഡിമിക്‌സ് എം.ഡിയും വേള്‍ഡ് മലയാളി കൗണ്‍സില്‍ ഗ്ലോബല്‍ പ്രസിഡന്റുമായ എ.വി. അനൂപിനെ ഗാന്ധിഭവനില്‍ നടന്ന ചടങ്ങില്‍ ആദരിച്ചു.
അടൂര്‍പ്രകാശ് എം.എല്‍.എ മൊമന്റോയും നടന്‍ ടി.പി. മാധവന്‍ ഗാന്ധിഭവന്റെ സ്‌നേഹോപഹാരവും സമ്മാനിച്ചു.വേള്‍ഡ് മലയാളി കൗണ്‍സില്‍ കേരള പ്രസിഡന്റ് ഷാജി എം. മാത്യു അധ്യക്ഷനായി.
അടൂര്‍ പ്രകാശ് എം.എല്‍.എ ഉദ്ഘാടനം ചെയ്തു. ഗാന്ധിഭവന്‍ മതേതരത്ത്വത്തിന്റെ മുഖമുദ്രയാണെന്നും ഗാന്ധിഭവന്റെ മഹത്വത്തിലും പ്രവര്‍ത്തനത്തിലും ഏതൊരു മലയാളിക്കും അഭിമാനിക്കാമെന്നും എം.എല്‍.എ പറഞ്ഞു.
ഗാന്ധിഭവന്‍ സെക്രട്ടറി ഡോ. പുനലൂര്‍ സോമരാജന്‍, വേള്‍ഡ് മലയാളി കൗണ്‍സില്‍ ഗ്ലോബല്‍ വൈസ്‌ചെയര്‍മാന്‍ തങ്കമണി ദിവാകരന്‍, നടന്‍ ടി.പി. മാധവന്‍, വി.പി. ശിവകുമാര്‍, അഡ്വ. പി.എം. സുനില്‍ കുമാര്‍, കെ. വിജയചന്ദ്രന്‍, ഓമന ജോണ്‍സന്‍, അല്‍ഫോണ്‍സ് ഫിലിപ്പ്, ഗാന്ധിഭവന്‍ വൈസ്‌ചെയര്‍മാന്‍ പി.എസ്.അമല്‍രാജ്, അസി. സെക്രട്ടറി ജി. ഭുവനചന്ദ്രന്‍, ട്രസ്റ്റി പ്രസന്ന സോമരാജന്‍, എ.ജി.എം. കെ. ഉദയകുമാര്‍ സംസാരിച്ചു.