കൊച്ചി: രാജീവ് ഗാന്ധി ഇന്‍ഡോര്‍ സ്റ്റേഡിയത്തിലെ ഗാലറികള്‍ക്കു മുകളില്‍ സ്ഥാപിച്ച എട്ടു ആകാശ ബാഡ്മിന്റണ്‍ കോര്‍ട്ടുകളുടെ ഉദ്ഘാടനം ഇന്ന് വൈകിട്ട് ആറിന് ബാഡ്മിന്റണ്‍ അസോസിയേഷന്‍ ഓഫ് ഇന്ത്യ പ്രസിഡന്റ് ഡോ.ഹിമാന്ത ബിശ്വ ശര്‍മ്മ നിര്‍വഹിക്കും.
ഇന്ന് തുടങ്ങുന്ന ലോക സീനിയര്‍ ബാഡ്മിന്റണ്‍ ചാമ്പ്യന്‍ഷിപ്പില്‍ പങ്കെടുക്കുന്ന കളിക്കാരുടെ പരിശീലനം സ്‌കൈ കോര്‍ട്ടുകളിലായിരിക്കും. ചാമ്പ്യന്‍ഷിപ്പിന് മുന്നോടിയായി ഈ കോര്‍ട്ടുകളുടെ ഉദ്ഘാടനം നടത്താനായിരുന്നു തീരുമാനം. ഇന്നലെ കായിക മന്ത്രി എ.സി.മൊയ്തീന്‍ കോര്‍ട്ടുകള്‍ ഉദ്ഘാടനം ചെയ്യുമെന്നു പ്രഖ്യാപിച്ചിരുന്നെങ്കിലും അദ്ദേഹം എത്താത്തതിനാല്‍ ചടങ്ങ് മാറ്റുകയായിരുന്നു.