അമ്പലപ്പുഴ: മോഷണക്കുറ്റത്തിന് മൂന്ന് വര്‍ഷത്തെ തടവ് ശിക്ഷ കഴിഞ്ഞു പുറത്തിറങ്ങിയ യുവാവ് കഞ്ചാവുമായി എക്‌സൈസ് പിടിയില്‍. അമ്പലപ്പുഴ പുറക്കാട് മൂരിപ്പാറ രഞ്ജിത്തിനെ (45)യാണ് നൂറു ഗ്രാം കഞ്ചാവുമായി പിടികൂടിയത്. സ്‌കൂട്ടറില്‍ സഞ്ചരിച്ച് സ്‌കൂള്‍, കോളേജ് കുട്ടികള്‍ക്ക് കഞ്ചാവ് വില്പന നടത്തുകയായിരുന്ന പ്രതിയെ ഇന്നലെ വൈകുന്നേരം തിരുവമ്പാടി ഹയര്‍ സെക്കണ്ടറി സ്‌കൂളിന് സമീപത്ത് നിന്നുമാണ് ആലപ്പുഴ എക്‌സൈസ് ഇന്‍സ്‌പെക്ടര്‍ ഉനൈസ് അഹമ്മദ്, പ്രിവന്റീവ് ഓഫീസര്‍ ഇ. കെ. അനില്‍, സിഇഒ മാരായ ടോമിച്ചന്‍, മുസ്തഫ, ഷെരിഫ്, ഫാറൂക്ക് അഹമ്മദ് എന്നിവരുടെ നേതൃത്വത്തില്‍ നടത്തിയ പരിശോധനയിലാണ് ഇയാള്‍ പിടിലായത്. പ്രതിയെ ആലപ്പുഴ മജിസ്‌ട്രേറ്റ് കോടതി മുന്‍പാകെ ഹാജരാക്കി.