ചെങ്ങന്നൂര്‍: എസ്.എന്‍.ഡി.പി.യോഗം നടത്തിവരുന്ന ജീവകാരുണ്യ പ്രവര്‍ത്തനങ്ങള്‍ ഏറെ പ്രശംസനീയമാണെന്നും അതില്‍ പങ്കാളിയാകുവാന്‍ വെന്‍സക് തയ്യാറാണെന്നും വെണ്‍മണി ആസ്ഥാനമായി പ്രവര്‍ത്തിക്കുന്ന വെന്‍സക്കിന്റെ ചെയര്‍മാന്‍ കോശിസാമുവേല്‍ പറഞ്ഞു.
ചെങ്ങന്നൂര്‍ എസ്.എന്‍.ഡി.പി.യൂണിയന്‍ നിരാലംബരായ ഭവനരഹിതര്‍ക്കായി നടപ്പാക്കിവരുന്ന വെള്ളാപ്പള്ളി നടേശന്‍ സ്‌നേഹഭവനപദ്ധതിയില്‍ പെരിങ്ങാല ചാന്തുരുത്തില്‍ ശിശുപാലന്‍-രജനി ദമ്പദികള്‍ക്കായി നിര്‍മ്മിക്കുന്ന വീടിന്റെ ശിലാസ്ഥാപന കര്‍മ്മം നിര്‍വഹിക്കുകയായിരുന്നു അദ്ദേഹം.
വെള്ളാപ്പള്ളി നടേശന്‍ സ്‌നേഹഭവനപദ്ധതിയില്‍ ആദ്യഘട്ടമായി നിര്‍മ്മിക്കുന്ന 12 വീടുകളില്‍ 5 വീടുകള്‍ വെന്‍സക്കാണ് നിര്‍മ്മിച്ചു നല്‍കുന്നത്. രണ്ടാംഘട്ടത്തില്‍ കൂടുതല്‍ വീടുകള്‍ നിര്‍മ്മിച്ചു നല്‍കുവാന്‍ വെന്‍സക്ക് തയ്യാറാണെന്നും കോശി സാമുവേല്‍ പറഞ്ഞു.
എസ്.എന്‍.ഡി.പി.യൂണിയന്‍ ചെയര്‍മാന്‍ അനില്‍ പി. ശ്രീരംഗം അദ്ധ്യക്ഷത വഹിച്ച യോഗത്തില്‍ യൂണിയന്‍ വൈസ്‌ചെയര്‍മാന്‍ വിജീഷ് മേടയില്‍ കണ്‍വീനര്‍ സുനില്‍ വള്ളിയില്‍ അഡ്മിനിസ്‌ട്രേറ്റീവ് കമ്മറ്റി അംഗങ്ങളായ സിന്ധു എസ്.ബൈജു, സജി വട്ടമോടിയില്‍, വനിതാസംഘം കേന്ദ്രസമിതി അംഗം സുലു വിജീഷ് യൂണിയന്‍ ചെയര്‍പേഴ്‌സണ്‍ രതി മോഹന്‍ കണ്‍വീനര്‍ അമ്പിളി മഹേഷ് യൂത്ത്മൂവ്‌മെന്റ് യൂണിയന്‍ കണ്‍വീനര്‍ വിജിന്‍രാജ്, വിഷ്ണുസജി, ജയപ്രകാശ് തൊട്ടാവാടിയില്‍ തുടങ്ങിയവര്‍ പ്രസംഗിച്ചു.