മുഹമ്മ: വനിതാ പോലീസിന്റെ കൈവിരല്‍ കടിച്ച് മുറിച്ച പ്രതികളെ റിമാന്‍ഡ് ചെയ്തു.
കഞ്ഞിക്കുഴി പഞ്ചായത്ത് പതിനൊന്നാം വാര്‍ഡില്‍ കുറ്റിക്കാട്ട് എ ബി പ്രസേനന്‍(27), പതിമൂന്നാം വാര്‍ഡ് തളിയാടിയില്‍ കലേഷ്(24), പന്ത്രണ്ടാം വാര്‍ഡ് തളിയാടിയില്‍ സനീഷ്(30) എന്നിവരെയാണ് റിമാന്‍ഡ് ചെയ്തത്. തിരുവോണ ദിവസം മുഹമ്മ റൗഡിമുക്കിന് സമീപമുള്ള കടയില്‍ നിന്നും സാധനം വാങ്ങിവരവെ ചേര്‍ത്തല പോലീസ് സ്റ്റേഷനിലെ സിവില്‍ പോലീസ് ഓഫീസര്‍ കഞ്ഞിക്കുഴി കിഴക്കേവെളിയില്‍ മിനിമോളുടെ കൈവിരലാണ് പ്രതികളിലൊരാള്‍ കടിച്ച് മുറിച്ചത്.
ഭര്‍ത്താവ് ഷാജിമോനോടൊപ്പം സ്‌കൂട്ടറില്‍ വരുമ്പോള്‍ ഹെഡ് ലൈറ്റിന്റെ പ്രകാശം കടത്തിണ്ണയില്‍ ഇരുന്ന പ്രതികളുടെ കണ്ണിലടിച്ചെന്നാരോപിച്ച് ഷാജിയെയും മിനിമോളെയും അസഭ്യം പറയുകയും കയ്യേറ്റം ചെയ്യുകയുമായിരുന്നു.