മുംബൈ: മുംബൈയില്‍ ഗായകന്‍ ഫ്‌ളാറ്റിന്റെ 12ാം നിലയില്‍ നിന്നും ചാടി ആത്മഹത്യ ചെയ്തു. 29 കാരനായ കരണ്‍ ജോസഫ് ആണ് മുംബൈയിലെ സബേര്‍ബന്‍ ബന്ദ്രയിലെ സ്വന്തം ഫ്‌ളാറ്റില്‍ നിന്നും ചാടി ആത്മഹത്യ ചെയ്തത്.

ഫഌറ്റിന്റെ ജനല്‍ വഴിയാണ് കരണ്‍ പുറത്തേക്ക് ചാടിയത്. കഴിഞ്ഞ മാസം മുതലാണ് ഇയാള്‍ ഇവിടെ താമസം തുടങ്ങിയത്. കുറച്ചു ദിവസങ്ങളായി കിരണ്‍ വലിയ മാനസിക സംഘര്‍ഷത്തിലായിരുന്നുവെന്ന് സുഹൃത്തുക്കള്‍ പൊലിസിനോട് വ്യക്തമാക്കി.

രാവിലെ 8.30 ഓടെ സുഹൃത്തുക്കളുടെ കൂടെയിരുന്ന് ടി.വി കാണുകയായിരുന്ന കരണ്‍ പെട്ടെന്ന് എഴുന്നേറ്റ് ജനല്‍ വഴി പുറത്തേക്ക് ചാടുകയായിരുന്നുവെന്നും സുഹൃത്തുക്കള്‍ പറഞ്ഞു. ഉടന്‍തന്നെ അടുത്തുള്ള ആശുപത്രിയില്‍ എത്തിച്ചെങ്കിലും മരിച്ചിരുന്നു. ഫഌറ്റില്‍ നിന്നും ആത്മഹത്യാ കുറിപ്പൊന്നും കണ്ടെത്തിയിട്ടില്ല. അന്വേഷണത്തിന്റെ ഭാഗമായി കരണിന്റെ മൊബൈല്‍ ഫോണ്‍ ഫോറന്‍സിക് പരിശോധനയ്ക്കായി അയച്ചിട്ടുണ്ട്. ഇതില്‍ നിന്നും ഇദ്ദേഹത്തിന്റെ മരണത്തെ സംബന്ധിച്ച എന്തെങ്കിലും വിവരങ്ങള്‍ ലഭിക്കുമെന്നാണ് പൊലിസ് കരുതുന്നത്. പോസ്റ്റ്‌മോര്‍ട്ടത്തിനു ശേഷം കരണിന്റെ മൃതദേഹം ബന്ധുക്കള്‍ക്ക് കൈമാറും.