തലശ്ശേരി: സംസ്ഥാന ചലച്ചിത്ര അവാര്‍ഡ്ദാന ചടങ്ങിന് സിനിമയിലെ മുന്‍നിര താരങ്ങളെത്താത്തതിനെതിരേ രൂക്ഷവിമര്‍ശനവുമായി മുഖ്യമന്ത്രി. തലശ്ശേരിയില്‍ ഇന്നലെ നടന്ന ചടങ്ങ് ജനപങ്കാളിത്വം കൊണ്ട് ശ്രദ്ധേയമായെങ്കിലും മുന്‍നിര നടീ നടന്‍മാര്‍ പങ്കെടുക്കാത്തതിന്റെ പോരായ്മയെ മുഖ്യമന്ത്രി ചോദ്യം ചെയ്യുകയായിരുന്നു. ക്ഷണിച്ചില്ലെന്ന കാരണത്താല്‍ ചടങ്ങില്‍ പങ്കെടുക്കാതിരുന്നതിന് ന്യായീകരണമില്ല.
പുതുതലമുറയെ പ്രോത്സാഹിപ്പിക്കുന്ന ഈ ചടങ്ങില്‍ എല്ലാവരും എത്തേണ്ടതായിരുന്നു. അത് പഴയ തലമുറയുടെ ബാധ്യതയാണെന്നും പിണറായി കൂട്ടിച്ചേര്‍ത്തു.