മെക്‌സിക്കോ സിറ്റി : ലാറ്റിനമേരിക്കന്‍ രാജ്യമായ മെക്‌സിക്കോയില്‍ വ്യാഴാഴ്ച ഉണ്ടായ ഭൂചലനത്തില്‍ മരണസംഖ്യ 90 ആയി. തകര്‍ന്നു വീണ കെട്ടിടങ്ങള്‍ക്കിടയില്‍ ആളുകള്‍ ഇനിയും കുടുങ്ങിക്കിടക്കുന്നുണ്ടെന്നാണ് വിവരം. അതുകൊണ്ടു തന്നെ മരണസംഖ്യ ഇനിയും ഉയര്‍ന്നേക്കും. മെക്‌സിക്കോയില്‍ കഴിഞ്ഞ നൂറു വര്‍ഷത്തിനിടെ ഉണ്ടായ ഏറ്റവും ശക്തമായ ഭൂചലനമായിരുന്നു ഇത്. റിക്ടര്‍ സ്‌കെയിലില്‍ 8.2 തീവ്രത രേഖപ്പെടുത്തിയ ഭൂചലനത്തെ തുടര്‍ന്ന് ആശുപത്രികളുടെ പ്രവര്‍ത്തനം പോലും പ്രതിസന്ധിയിലാണ്. ദുരന്തബാധിതര്‍ക്ക് സഹായവുമായി സൈന്യവും രംഗത്തുണ്ട്.