ലണ്ടന്‍: ഗ്രെയ്റ്റ് നോര്‍ത്ത് റണ്‍ ഹാഫ് മാരത്തണില്‍ ബ്രിട്ടീഷ് ദീര്‍ഘ ദൂര ഇതിഹാസം മോ ഫറയ്ക്ക് കിരീടം. തുടര്‍ച്ചയായി നാലാം വട്ടമാണ് ഫറ ഇവിടെ ചാംപ്യനാകുന്നത്. ന്യൂസിലന്‍ഡിന്റെ ജയ്ക് റോബര്‍ട്‌സന്റെ വെല്ലുവിളി അതിജീവിച്ച് കുതിച്ച ഫറ ഒരു മണിക്കൂറും ആറ് സെക്കന്‍ഡുമെടുത്താണ് ഫിനിഷ് ചെയ്തത്. നോര്‍ത്ത് റണ്‍ പോരാട്ടത്തില്‍ തുടര്‍ച്ചായായി നാല് വര്‍ഷം കിരീടം നേടുന്ന ആദ്യ താരമായും ഇതോടെ ഫറ മാറി. തുടര്‍ച്ചയായി നാല് വട്ടം ഒരു മാരത്തണ്‍ പോരാട്ടത്തില്‍ വിജയിക്കുന്ന താരമെന്ന കെനിയയുടെ ബെന്‍സന്‍ മസ്യയുടെ റെക്കോര്‍ഡിനൊപ്പമെത്താനും ഫറയ്ക്ക് വിജയത്തോടെ സാധിച്ചു.