കക്കട്ടില്‍: പൊലിസിനെ ഭയത്തോടെ കണ്ടിരുന്ന കുട്ടികള്‍ക്ക് സ്റ്റേഷനില്‍ നേരിട്ടെത്തിയപ്പോള്‍ പൊലിസുകാര്‍ സുഹൃത്തുക്കളായി. വട്ടോളിയിലെ വിദ്യാര്‍ഥി കൂട്ടായ്മയായ പെയ്‌സിന്റെ ആഭിമുഖ്യത്തില്‍ 25 കുട്ടികളാണ് കുറ്റ്യാടി പൊലിസ് സ്റ്റേഷന്‍ സന്ദര്‍ശിച്ചത്. കുട്ടികള്‍ക്ക് ദിശാബോധം നല്‍കുക എന്ന ലക്ഷ്യത്തോടെയുള്ള പ്രവര്‍ത്തനങ്ങള്‍ ലക്ഷ്യം വച്ച് വട്ടോളി ഏരിയയിലെ രക്ഷിതാക്കള്‍ മുന്‍ കൈയ്യെടുത്ത് രൂപീകരിച്ച വിദ്യാര്‍ഥി കൂട്ടായ്മയാണ് പെയ്‌സ്. പൊലിസ് സ്റ്റേഷന്റെ പ്രവര്‍ത്തനങ്ങള്‍, കുറ്റ്യാടി പൊലിസ് സ്റ്റേഷന്റെ ചരിത്രം, വിവിധ തരത്തിലുള്ള ആയുധങ്ങളുടെ ഉപയോഗം, കുറ്റവാളികളോടുള്ള പൊലിസിന്റ സമീപനങ്ങള്‍, പൊലിസ് പരിശീലനങ്ങള്‍, പൊലിസ് സ്റ്റേഷന്‍ ക്രമീകരണം, ഉദ്വേഗസ്ഥരുടെ റാങ്കുകള്‍, നഗരങ്ങളിലെ പൊലിസ് സംവിധാനങ്ങള്‍, സൈബര്‍ കുറ്റകൃത്യങ്ങള്‍ ഉള്‍പ്പെടെയുള്ളവിവിധ തരത്തിലുള്ള കുറ്റകൃത്യങ്ങള്‍,
വിദ്യാര്‍ഥികളുടെ അവകാശങ്ങള്‍, തുടങ്ങിയ പൊലിസ് സ്റ്റേഷന്‍ പരിധിയില്‍ വരുന്ന എല്ലാ കാര്യങ്ങളും മനസിലാക്കിയാണ് വിദ്യാര്‍ഥികള്‍ മടങ്ങിയത്.
പ്രിന്‍സിപ്പല്‍ എസ്.ഐ ശ്രീജിത്ത്, എസ്.ഐമാരായ നാരായണന്‍, രാം കുമാര്‍, എ.എസ്.ഐമാരായ വിശ്വനാഥന്‍, രാധാകൃഷ്ണല്‍, സീനിയര്‍ സിവില്‍ പൊലിസ് ഓഫിസര്‍ മാരായ നിജ, കുഞ്ഞുമോള്‍, സിവില്‍ പൊലിസ് ഓഫിസര്‍ രാജേഷ് 'പെയിസ് ' കോഡിനേറ്റര്‍ കെ.പി അഷറഫ് വിദ്യാര്‍ഥികളായ നന്ദിത .എസ്, മുഹമ്മദ് അഫ്രീന്‍ സംസാരിച്ചു. എം.പി ഷമീര്‍, പി. സന്തോഷ് കുമാര്‍, എന്‍. പ്രദീപ് കുമാര്‍, കെ. രാധാകൃഷ്ണന്‍ എന്നിവരുടെ നേതൃത്വത്തിലാണ് വിദ്യാര്‍ഥികള്‍ പൊലിസ് സ്റ്റേഷന്‍ സന്ദര്‍ശിക്കാനെത്തിയത്. പൊലിസുകാര്‍ നല്‍കിയ മധുരവും കഴിച്ചാണ് വിദ്യാഥികള്‍ സ്റ്റേഷന്‍ വിട്ടത്.