ഫറോക്ക്: കോഴിക്കൂട്ടില്‍ കടന്ന് കോഴിയെ കൊന്നുതിന്ന കാട്ടുപൂച്ചയെ വീട്ടുകാര്‍ കെണിയിലാക്കി. ഫറോക്ക് നല്ലൂരില്‍ എന്‍.എസ്.എസ് ഇംഗ്ലീഷ് മീഡിയം സ്‌കൂളിനു സമീപം കൂട്ടമ്പലത്ത് ധന്യത്തില്‍ നാരായണന്‍ നമ്പ്യാരുടെ കോഴിക്കൂട്ടിലാണു കാട്ടുപ്പൂച്ച കുടുങ്ങിയത്.
ബുധനാഴ്ച രാത്രി 10 മണിയോടെയാണ് കൂട്ടില്‍ കയറിയ പൂച്ച കോഴിയെ പിടിച്ചു തിന്നത്. കോഴിയുടെ കൂവല്‍ കേട്ടെത്തിയ വീട്ടുകാര്‍ കോഴിക്കൂട് അടക്കുകയായിരുന്നു. ചെറുവണ്ണൂര്‍ മലബാര്‍ ഓട്ടുകമ്പനിക്കു സമീപം കഴിഞ്ഞ ദിവസം രാത്രി പുലിയെ കണ്ടെന്ന അഭ്യൂഹത്തെ തുടര്‍ന്ന് താമരശ്ശേരിയില്‍ നിന്നെത്തിയ വനം വകുപ്പ് അധികൃതര്‍ നല്ലൂരിലെത്തി കാട്ടുപൂച്ചയെ കൊണ്ടുപോയി.