വെങ്ങപ്പള്ളി: വെങ്ങപ്പള്ളിയിലും സമീപ പ്രദേശങ്ങളിലും തെരുനായ ശല്യം രൂക്ഷം. കൂട്ടമായി നടക്കുന്ന തെരുവുനായ്ക്കള്‍ കാല്‍നടയാത്രക്കാര്‍ക്കും ഇരുചക്ര വാഹന യാത്രക്കാര്‍ക്കും ഭീഷണിയായിരിക്കുകയാണ്.
രാത്രികാലങ്ങളിലാണ് നായ്ക്കളുടെ ശല്യം രൂക്ഷമാകുന്നത്. ഇതു കാരണം വളര്‍ത്തുമൃഗങ്ങളെ പോറ്റുന്നവരും ആശങ്കയിലാണ്. സ്‌കൂളിലേക്കും മദ്‌റസയിലേക്കും പോകുന്ന കുട്ടികളെ തെരുവുനായകള്‍ ഓടിക്കുന്നത് പതിവാണ്.
രാവിലെ പത്രവിതരണത്തിനെത്തുന്ന ഏജന്റുമാര്‍ക്ക് നേരെയും ആക്രമണമുണ്ടായിട്ടുണ്ട്.
നിരവധി തവണ അധികാരികളോട് പരാതിപ്പെട്ടെങ്കിലും യാതൊരു നടപടിയും ഉണ്ടായില്ലെന്ന് പ്രദേശവാസികള്‍ പറയുന്നു.