മുക്കം: സ്വാതന്ത്ര്യദിനാഘോഷത്തിന്റെ ഭാഗമായി മുക്കംഉപജില്ലാ സാമൂഹ്യ ശാസ്ത്ര ക്ലബ്ബും പ്രാദേശിക ടെലിവിഷന്‍ ചാനലായ സി ടി.വിയും ചേര്‍ന്ന് ഭാരതീയം 2016 എന്ന പേരില്‍ സ്‌കൂള്‍ വിദ്യാര്‍ഥികളെ പങ്കെടുപ്പിച്ച് ചിത്രരചനാ മത്സരം സംഘടിപ്പിച്ചു.
ഉപജില്ലാ വിദ്യാഭ്യാസ ഓഫിസര്‍ ലൂക്കോസ് മാത്യു ഉദ്ഘാടനം ചെയ്തു. മുക്കം നഗരസഭ ചെയര്‍മാന്‍ വി കുഞ്ഞന്‍ മാസ്റ്റര്‍ മുഖ്യാതിഥിയായി.
കൗണ്‍സിലര്‍ മുക്കം വിജയന്‍ അദ്ധ്യക്ഷനായി. മത്സരത്തില്‍ അഞ്ഞൂറില്‍ അധികം വിദ്യാര്‍ഥികള്‍ പങ്കാളികളായി.
ഉപജില്ലയിലെ എല്ലാ സ്‌കൂളുകളില്‍ നിന്നും വിദ്യാര്‍ഥികള്‍ മത്സരത്തില്‍ പങ്കെടുത്തു. കെ സുന്ദരന്‍, എം.പി മജീദ്, സിഗ്‌നിദേവരാജ്, ജി.എന്‍ ആസാദ്, അബ്ദുല്‍ ഗഫൂര്‍, വി അജീഷ് സംസാരിച്ചു.