കൊളത്തൂര്‍: അങ്ങാടിപ്പുറം കൊളത്തൂര്‍ റൂട്ടില്‍ മാലാപറമ്പ് അടിവാരം വളവില്‍ ടിപ്പര്‍ ലോറി റോഡരികിലേക്ക് മറിഞ്ഞു. ഇന്നലെ രാവിലെയോടെയാണ് അപകടം.
അങ്ങാടിപ്പുറം ഭാഗത്തു നിന്നും ഓണപ്പുട ഭാഗത്തേക്ക് പോകുകയായിരുന്ന ലോറി റോഡരികിലെ കുഴിയില്‍പ്പെട്ട് മറിയുകയായിരുന്നു.മുന്‍പ് പൈപ്പ് ലൈന്‍ സ്ഥാപിക്കാന്‍ വേണ്ടി സ്ഥാപിച്ച കുഴി മണ്ണിട്ടു മൂടിയെങ്കിലും കുഴിയില്‍ ടയര്‍ കുടുങ്ങുകയായിരുന്നു.
സ്ഥിരം അപകടമേഖലയായ മാലാപറമ്പ് അടിവാരം മേഖലയിലെ ഹെയര്‍ പിന്‍വളവുകളില്‍ മഴക്കാലമായതോടെ റോഡിലേക്ക് വളര്‍ന്ന പൊന്തക്കാടുകള്‍ ഈ റൂട്ടില്‍ വലിയ ഭീഷണി ക്ഷണിച്ചു വരുത്തുന്നുണ്ടെന്ന് സമീപവാസികള്‍ പറയുന്നു.