മുട്ടാഞ്ചേരി: ഹസനിയ എ.യു.പി.സ്‌കൂളിലെ സ്‌കൂള്‍ ലീഡര്‍ തെരഞ്ഞെടുപ്പ് പൊതുതെരഞ്ഞെടുപ്പ് മാതൃകയില്‍ നടത്തിയത് വിദ്യാര്‍ഥികള്‍ക്ക് നവ്യാനുഭവമായി.പൊതു തെരഞ്ഞെടുപ്പിന്റെ എല്ലാ ഘട്ടങ്ങളും പാലിച്ച് കൊണ്ടണ്ടായിരുന്നു സ്‌കൂള്‍ ലീഡര്‍ തെരഞ്ഞെടുപ്പ്. തെരഞ്ഞെടുപ്പ് വിജ്ഞാപനം, പത്രികാസമര്‍പ്പണം, സൂക്ഷ്മപരിശോധന, ചിഹ്നം അനുവദിക്കല്‍, പ്രചാരണം, കൊട്ടിക്കലാശം, ഉദ്യോഗസ്ഥരെ നിയമിക്കല്‍ എന്നീ ഘട്ടങ്ങള്‍ പാലിച്ചു. ബാലറ്റ് പേപ്പറിലാണ് കുട്ടികള്‍ വോട്ടു രേഖപ്പെടുത്തിയത്. സ്‌കൂള്‍ ലീഡറായി കെ.റസിന്‍ അബുവും ഡെപ്യൂട്ടി ലീഡറായി വി.പി.സിനാനും തെരഞ്ഞെടുക്കപ്പെട്ടു.
പ്രധാനാധ്യാപിക കെ ഡോളി, അധ്യാപകരായ വി.കെ.ഹസന്‍കോയ, കെ.കെ സാഹിര്‍, വി.പി വിപിന്‍, പി.എം സിറാജ്, അനീസ് മടവൂര്‍ തെരഞ്ഞെടുപ്പിനു നേതൃത്വം നല്‍കി.