കിളിമാനൂര്‍: വഴിയാത്രക്കാരിയായ പെണ്‍കുട്ടിയെ അപമാനിക്കാന്‍ ശ്രമിച്ച കേസില്‍ രണ്ടുപേര്‍ പള്ളിക്കല്‍ പൊലിസിന്റെ പിടിയിലായി. പനപ്പാംകുന്ന് കാരായിക്കോട് വലിയകണ്ടം എം.എം നിവാസില്‍ അമല്‍മോഹനന്‍ (20), മടവൂര്‍ ചാങ്ങയില്‍കോണം പി.എസ് മന്ദിരത്തില്‍ പ്രവീണ്‍കുമാര്‍ (24) എന്നിവരാണ് പിടിയിലായത്.
ഇക്കഴിഞ്ഞ ഒന്‍പതിന് വൈകിട്ട് അഞ്ചിനാണ് മടവൂര്‍ വേമൂട് വച്ച് റോഡിലൂടെ നടന്നുവരികയായിരുന്ന പെണ്‍കുട്ടിയെ പ്രതികള്‍ കൈയില്‍ കയറിപിടിക്കുകയും അപമാനിക്കാന്‍ ശ്രമിക്കുകയും ചെയ്തത്.
പെണ്‍കുട്ടിയുടെ നിലവിളികേട്ട് ഓടിയെത്തിയ നാട്ടുകാരാണ് അപമാനശ്രമത്തില്‍ നിന്ന് പെണ്‍കുട്ടിയെ രക്ഷിച്ചത്. സംഭവത്തിന് ശേഷം രക്ഷപ്പെട്ട പ്രതികളെയാണ് പള്ളിക്കല്‍ എസ്.ഐ ശ്രീജേഷിന്റെ നേതൃത്വത്തില്‍ കസ്റ്റഡിയില്‍ എടുത്തത്. പ്രതികളെ കോടതിയില്‍ ഹാജരാക്കി.