കണ്ണൂര്‍: ശശികലയെ അറസ്റ്റു ചെയ്ത് ജയിലിലടയ്ക്കണമെന്ന് കെ.പി.സി.സി വൈസ് പ്രസിഡന്റ വി.ഡി സതീശന്‍. പൊലിസ് ഇപ്പോള്‍ ചുമത്തിയിരിക്കുന്ന വകുപ്പ് പരിശോധിക്കണം. കേരളത്തില്‍ ഇനി ഇത്തരം സംഭവങ്ങള്‍ ആവര്‍ത്തിക്കരുത്. ശശികലയ്‌ക്കെതിരേ കേസെടുത്തത് സ്വാഗതാര്‍ഹമാണ്. മതേതരവാദികളെ വെല്ലുവിളിക്കുകയാണ് ശശികല. വീണിടുത്ത് കിടന്നു ഉരുളുകയാണവര്‍.
കോണ്‍ഗ്രസുകാര്‍ കൊല്ലുമെന്നാണ് താന്‍ പറഞ്ഞതെന്നാണ് ഇപ്പോള്‍ വാദിക്കുന്നത്. ഇത് കര്‍ണാടകയിലെ ബി.ജെ.പിക്കാര്‍ പോലും ഉന്നയിക്കാത്ത ആരോപണമാണ്. ബി.ജെ.പിയുടെ ദേശീയ, സംസ്ഥാന നേതൃത്വത്തിന് ഇത്തരം പ്രകോപന പ്രസ്താവനകളുടെ ഉത്തരവദിത്വങ്ങളില്‍ നിന്ന് ഒഴിഞ്ഞുമാറാനാവില്ലെന്നും അദ്ദേഹം പറഞ്ഞു.