മലപ്പുറം: വിദ്യാരംഗം കലാസാഹിത്യവേദി വിദ്യാര്‍ഥികളുടെ സാഹിത്യാഭിരുചിയും ഗവേഷണ താല്‍പര്യവും വര്‍ദ്ധിപ്പിക്കുന്നതിനായി ഹൈസ്‌കൂള്‍തലത്തില്‍ സാഹിത്യ സെമിനാറുകള്‍ സംഘടിപ്പിക്കുന്നു. മൂന്നു മേഖലകളിലായിട്ടാണ് സെമിനാറുകള്‍ നടക്കുക.
'ഭാഷയും പ്രാദേശികഭേദവും' എന്നതാണ് സെമിനാറിന്റെ വിഷയം. ഹൈസ്‌കൂളുകളില്‍നിന്ന് തിരഞ്ഞെടുക്കുന്ന ഒരു വിദ്യാര്‍ഥിയെ സബ്ജില്ലാതല സെമിനാറിന് അയയ്ക്കണം. ഇതില്‍ മികച്ച പ്രബന്ധം അവതരിപ്പിക്കുന്ന കുട്ടിയാണ് മേഖലാതല സെമിനാറില്‍ പങ്കെടുക്കേണ്ടത്. വയനാട്, മലപ്പുറം, കോഴിക്കോട്, കണ്ണൂര്‍, കാസര്‍കോട് മേഖലാ മത്സരം ഒക്ടോബര്‍ 21ന് വയനാട്, പാലക്കാട്, തൃശൂര്‍, എറണാകളും, ഇടുക്കി മേഖലാമത്സരം നവംബര്‍ നാലിന് എറണാകുളത്തും ആലപ്പുഴ, കോട്ടയം, കൊല്ലം, പത്തനംതിട്ട, തിരുവനന്തപുരം മേഖലാ മത്സരം ഒക്ടോബര്‍ 14ന് ആലപ്പുഴയിലും നടക്കും.