കണ്ണൂര്‍: എസ്.ടി.യു സംസ്ഥാന നേതൃക്യാംപ് 13, 14 തിയതികളില്‍ പയ്യാമ്പലം മര്‍മറ റിസോര്‍ട്ടില്‍ നടക്കും. 13ന് രാവിലെ 11ന് പി.കെ കുഞ്ഞാലിക്കുട്ടി എം.പി ഉദ്ഘാടനം ചെയ്യും. സംഘടനാസെഷന്‍ മുസ്‌ലിം ലീഗ് ജനറല്‍ സെക്രട്ടറി കെ.പി.എ മജീദ് ഉദ്ഘാടനം ചെയ്യും. സമ്മേളനത്തിന്റെ ഉദ്ഘാടനം 14ന് ഇ.ടി മുഹമ്മദ് ബഷീര്‍ എം.പി നിര്‍വഹിക്കും. കെ.യു.ഡബ്ല്യു.ജെ നിയുക്ത പ്രസിഡന്റ് കമാല്‍ വരദൂരിനെ ചടങ്ങില്‍ ആദരിക്കും.
തൊഴിലാളി ദ്രോഹനയങ്ങള്‍ക്കെതിരേ വിവിധ പ്രക്ഷോഭങ്ങള്‍ക്ക് എസ്.ടി.യു രൂപം നല്‍കും. ഇതിന്റെ ഭാഗമായി നവംബര്‍ ഏഴിന് എസ്.ടി.യു ദേശീയ സമിതി നടത്തുന്ന ഡല്‍ഹി മാര്‍ച്ചും ഒന്‍പത്, പത്ത്, 11 തിയതികളില്‍ ഐക്യട്രേഡ് യൂനിയന്‍ നടത്തുന്ന ഡല്‍ഹി മഹാധര്‍ണയും വിജയിപ്പിക്കുവാനുള്ള പരിപാടികള്‍ ക്യാംപില്‍ ആവിഷ്‌ക്കരിക്കുമെന്നും നേതാക്കള്‍ വാര്‍ത്താസമ്മേളനത്തില്‍ അറിയിച്ചു. സംസ്ഥാന പ്രസിഡന്റ് അഹ്മദ്കുട്ടി ഉണ്ണികുളം, അഡ്വ. എം. റഹ്മത്തുല്ല, എം.എ കരീം പങ്കെടുത്തു.