മൂവാറ്റുപുഴ: ദര്‍സ് വിദ്യാര്‍ഥിയെ കാണാതായതായി പരാതി. പേഴയ്ക്കാപിള്ളി പടിഞ്ഞാറെ ചാലില്‍ കരീമിന്റെ മകന്‍ ബാവ ഫൈസല്‍ (18) നെയാണ് വെള്ളിയാഴ്ച മുതല്‍ കാണാതായത്.
കാക്കനാടുള്ള അറബി കോളജിലെ വിദ്യാര്‍ഥിയായ ബാവ ഫൈസലിനെ വെള്ളിയാഴ്ച വൈകിട്ടാണ്പിതാവ് ദര്‍സിലേക്ക് മൂവാറ്റുപുഴയില്‍നിന്ന് ബസ് കയറ്റി വിട്ടത്. എന്നാല്‍ വിദ്യാര്‍ഥി ഇതുവരെ സ്ഥാപനത്തിലെത്തിയിട്ടില്ല.
അന്വേഷണത്തില്‍ വിദ്യാര്‍ഥി കാക്കനാട് ബസിറങ്ങിയതായി വിവരം ലഭിച്ചിരുന്നു. മൂവാറ്റുപുഴ പൊലിസ് അന്വേഷണം ആരംഭിച്ചു.