ആലപ്പുഴ: കൊച്ചിയില്‍ അക്രമിക്കപ്പെട്ട നടിക്കെതിരേ പി.സി ജോര്‍ജ് എം.എല്‍.എ നടത്തിയ മോശം പരാമര്‍ശം സംബന്ധിച്ച കേസില്‍ പൊലിസ് മാധ്യമ പ്രവര്‍ത്തകരില്‍ നിന്ന് മൊഴിയെടുത്തു.
ഇന്നലെ ഉച്ചയ്ക്ക് ഒരു മണിയോടെ നെടുമ്പാശ്ശേരി സി.ഐ പി.എം ബൈജുവിന്റെ നേതൃത്വത്തിലുള്ള സംഘമാണ് മാധ്യമ പ്രവര്‍ത്തകരില്‍ നിന്നും ആലപ്പുഴ പ്രസ് ക്ലബ്ബ് ഭാരവാഹികളില്‍ നിന്നും പി.സി ജോര്‍ജ് നടത്തിയ വിവാദ വാര്‍ത്താസമ്മേളനം സംബന്ധിച്ച് മൊഴിയെടുത്തത്.
വാര്‍ത്താ സമ്മേളനത്തിന്റ ദൃശ്യങ്ങളും പൊലിസ് ശേഖരിച്ചു.പി.സി ജോര്‍ജ് എം.എല്‍.എ ആലപ്പുഴയില്‍ നടത്തിയ വാര്‍ത്താ സമ്മേളനത്തില്‍ തന്നെക്കുറിച്ച് മോശമായ പരാമര്‍ശം നടത്തിയെന്ന് അക്രമിക്കപ്പെട്ട നടി നെടുമ്പാശ്ശേരി പൊലിസില്‍ പരാതി നല്‍കിയിരുന്നു.
കഴിഞ്ഞ ദിവസം നടിയുടെ മൊഴിയും പൊലിസ് രേഖപ്പെടുത്തിയിരുന്നു.