അമ്പലപ്പുഴ: മകള്‍ക്കൊപ്പം സ്‌കൂട്ടറില്‍ സഞ്ചരിച്ച വീട്ടമ്മക്ക് ടിപ്പറിടിച്ച് ഗുരുതര പരുക്ക്.
തകഴി പഞ്ചായത്ത് ആശുപത്രി ജങ്ഷന് സമീപം പതിനാലില്‍ വീട്ടില്‍ പ്രതീപിന്റെ ഭാര്യ സുധ (42) ക്കാണ് പരുക്കേറ്റത് അമ്പലപ്പുഴ തിരുവല്ല സംസ്ഥാനപാതയില്‍ കരുമാടി കാമപുരം ക്ഷേത്രത്തിന് സമീപം വെച്ച് ഇന്നലെ ഉച്ചക്ക് രണ്ടരയോടയായിരുന്നു അപകടം. അമ്പലപ്പുഴയില്‍ നിന്ന് വീട്ടിലേക്ക് മകള്‍ ആതിരയുമൊത്ത് സുധ സഞ്ചരിച്ച സ്‌കൂട്ടറില്‍ ടിപ്പര്‍ ലോറി ഇടിക്കുകയായിരുന്നു.
ഇടിയുടെ ആഘാതത്തില്‍ റോഡിലേക്കു തെറിച്ച് വീണ സുധയുടെ കാലില്‍ ടിപ്പറിന്റെ വീലുകള്‍കയറിയിറങ്ങി. ഓടിക്കൂടിയ നാട്ടുകാര്‍ ഇവരെ വണ്ടാനം മെഡിക്കല്‍ കോളേജ് ആശുപത്രിയിലെത്തിക്കുകയായിരുന്നു. പിന്നീട് ഇവരെ എറണാകുളത്തെ സ്വകാര്യ ആശുപത്രിയിലേക്ക് മാറ്റി.