കുറവിലങ്ങാട്: ബാലഗോകുലത്തിന്റെ നേതൃത്വത്തില്‍ സുരക്ഷിതബാല്യം സുകൃതഭാരതം എന്ന സന്ദേശമുയര്‍ത്തി നടക്കുന്ന ശ്രീകൃഷ്ണജയന്തി ശോഭായത്രകള്‍ക്കായി നാടും നഗരവും ഒരുങ്ങിക്കഞ്ഞു.
കുറവിലങ്ങാട് മേഖലയില്‍ 20 ശോഭായാത്രകള്‍ നടത്തും. വിവിധ പ്രദേശങ്ങളിലായി ഗോ പൂജാ, ഭാഗവതപാരായണം, വിളമ്പരഘോഷയാത്രകള്‍, ഉദ്ഘാടന സമ്മേളനം, അനുമോദനയോഗങ്ങള്‍ എന്നിവ ശോഭായാത്രയുടെ ഭാഗമായി നടക്കും.
കുറിച്ചിത്താനം, കടപ്പൂര്‍ എന്നിവിടങ്ങളില്‍ ശോഭായാത്രാസംഗമവും മഹശോഭായാത്രയും നടത്തും. മേഖലയില്‍ ഇലയ്ക്കാട്, മണ്ണയ്ക്കാനാട്, കുര്യനാട്, പാലക്കാട്ടുമല, വയലാ, മാറിടം, കുറവിലങ്ങാട്, കളത്തൂര്‍, കുര്യം വെമ്പള്ളി, നരകത്തുംപടി, മഠത്തിപ്പറമ്പ്, വാറ്റുപുര, മൂലകോണം, മേലരീക്കര, വെളിയന്നൂര്‍, താമരക്കാട്, പൂവക്കുളം എന്നീ പ്രദേശങ്ങളില്‍ ശോഭായാത്രകളും നടക്കും. കുര്യനാട് ചെറുവള്ളിക്കാവ് ക്ഷേത്രത്തില്‍ നിന്നും ഉച്ചക്കഴിഞ്ഞ് 3.30ന് ആരംഭിക്കുന്ന ശോഭായാത്രയും മണ്ണയ്ക്കനാട് കാവില്‍ഭഗവതി ക്ഷേത്രത്തില്‍ നിന്ന് ആരംഭിക്കുന്ന ശോഭായാത്രയും കുറിച്ചിത്താനം കാരിപടവത്ത് കാവില്‍ നിന്ന് ആരംഭിക്കുന്ന ശോഭായാത്രയും കുറിച്ചിത്താനത്ത് സംഗമിച്ച് ശ്രീകൃഷ്ണ ക്ഷേത്രത്തിലേയ്ക്ക് മഹശോഭായാത്രയായി പുറപ്പെടും. ഇലയ്ക്കാട് ശോഭായാത്രയുടെ ഭാഗമായി രാവിലെ ഗോപൂജാ, വൃക്ഷതൈനടീല്‍, ഭാഗവതപാരായണം, വിളമ്പരഘോഷയാത്ര എന്നിവയും ഉച്ചകഴിഞ്ഞ് 3.30ന് ബാങ്ക് ജങ്ഷനില്‍നിന്നാരംഭിക്കുന്ന ശോഭായാത്ര പഞ്ചായത്തംഗം ശ്രീജാ ഹരിചന്ദ്രന്‍ ഉദ്ഘാടനം ചെയ്യും.
വൈക്കം: അഷ്ടമിരോഹിണി ആഘോഷങ്ങള്‍ക്കായുള്ള ഒരുക്കങ്ങള്‍ പൂര്‍ത്തിയായി. കല്‍പകശേരി, കാളിയമ്മനട, അയ്യര്‍കുളങ്ങര, ചീരംകുന്നുംപുറം പാര്‍ഥസാരഥീക്ഷേത്രം, ഉദയനാപുരം ക്ഷേത്രം, പോളശേരി ക്ഷേത്രം, പനമ്പുകാട്, വലിയകവല അയ്യപ്പക്ഷേത്രം, ചാലപ്പറമ്പ്, പുളിഞ്ചുവട് എന്നിവിടങ്ങളില്‍നിന്നു 3.30നു ശോഭായാത്രകള്‍ ആരംഭിക്കും. ഇവ വലിയകവലയില്‍ സംഗമിച്ച് ബോട്ട് ജെട്ടി വഴി വൈക്കം മഹാദേവക്ഷേത്രത്തില്‍ എത്തിച്ചേരും. ബ്രഹ്മമംഗലത്ത് മഹാദേവക്ഷേത്രത്തിനു സമീപവും തലയോലപ്പറമ്പില്‍ ശ്രീകൃഷ്ണക്ഷേത്രത്തിനു സമീപവും ശോഭായാത്രകള്‍ സംഗമിക്കും. കീഴൂര്‍, പെരുവ, വെള്ളൂര്‍, മുളക്കുളം, വെച്ചൂര്‍, ഉല്ലല, തോട്ടകം കുപ്പേടിക്കാവ്, ടിവി പുരം, ചെമ്പ്, കാട്ടിക്കുന്ന്, മറവന്‍തുരുത്ത് ശാരദാമഠം എന്നിവിടങ്ങളിലും ശോഭായാത്രകള്‍ സംഘടിപ്പിക്കുന്നുണ്ട്.
ചങ്ങനാശേരി: പെരുന്ന, ളായിക്കാട്, പുഴവാത് സന്താനഗോപാലമൂര്‍ത്തിക്ഷേത്രം, തിരുമല ക്ഷേത്രം, പെരുന്ന കിഴക്ക്, പെരുന്ന പടിഞ്ഞാറ്, പൂവം തുടങ്ങിയ മേഖലയില്‍നിന്നുള്ള ശോഭായാത്ര മലേക്കുന്ന് ക്ഷേത്രത്തില്‍ എത്തും. വാഴപ്പള്ളി, ദുര്‍ഗാപുരി, മഞ്ചാടിക്കര, തിരുവെങ്കിടപുരം, വട്ടപ്പള്ളി, പറാല്‍, വെട്ടിത്തുരുത്ത് എന്നിവിടങ്ങളില്‍ നിന്നുള്ള ശോഭായാത്രകള്‍ വേഴയ്ക്കാട്ട് ശ്രീകൃഷ്ണ ക്ഷേത്രത്തില്‍ സമാപിക്കും.
മാടപ്പള്ളി, തെങ്ങണ, പന്‍പുഴ, പാലക്കുളം, വെങ്കോട്ട, ഇടപ്പള്ളി, ചേന്നമറ്റം, പങ്കിപ്പുറം, മാടപ്പള്ളി, ചൂരപ്പാടി, മാമ്മൂട്, മാന്നില, വട്ടച്ചാല്‍പടി തുടങ്ങിയ സ്ഥലങ്ങളില്‍നിന്നു ശോഭായാത്രകള്‍ തെങ്ങണ മഹാദേവക്ഷേത്രത്തില്‍ എത്തിച്ചേരും.
ശാസ്താംകോയിക്കല്‍, കുന്നുംപുറം, അയര്‍ക്കാട്ടുവയല്‍, മണികണ്ഠവയല്‍, നാല്‍ക്കവല, ശാസ്താംകോയിക്കല്‍, കോട്ടമുറി, ചെമ്പുംപുറം തുടങ്ങിയ സ്ഥലങ്ങളില്‍നിന്ന് ആരംഭിക്കുന്ന ശോഭായാത്രകള്‍ കുന്നുംപുറത്തു സംഗമിച്ചു മഹാശോഭായാത്രയായി തൃക്കൊടിത്താനം മഹാക്ഷേത്രത്തില്‍ സമാപിക്കും. ഈരാറ്റുപേട്ട: ഗൗരീശങ്കരം ബാലഗോകുലത്തിന്റെ ആഭിമുഖ്യത്തില്‍ വൈകിട്ട് നാലിന് കടുവാമൂഴി വിശ്വകര്‍മ ഭജനമഠത്തില്‍ നിന്ന് ആരംഭിക്കുന്ന ശോഭായാത്ര അങ്കാളമ്മന്‍ കോവിലില്‍ സമാപിക്കും. പൂഞ്ഞാര്‍ ശിവജി ബാലഗോകുലത്തിന്റെ ആഭിമുഖ്യത്തില്‍ വൈകിട്ട് നാലിന് ധര്‍മശാസ്താക്ഷേത്രം, ശ്രീപുരംക്ഷേത്രം, തണ്ണിപ്പാറ, മണിയംകുന്ന് എന്നിവിടങ്ങളില്‍ നിന്ന് ആരംഭിക്കുന്ന ശോഭായാത്രകള്‍ ടൗണില്‍ സംഗമിച്ച് മങ്കൊമ്പുംകാവ് ദേവീക്ഷേത്രത്തിലെത്തി കൊട്ടാരം ശ്രീകൃഷ്ണസ്വാമി ക്ഷേത്രത്തില്‍ സമാപിക്കും.