തൊടുപുഴ: ഡി.വൈ.എഫ്.ഐ നേതൃത്വത്തില്‍ നടന്ന ഓണാഘോഷ പരിപാടികള്‍ സമാപിച്ചു. വിവിധ കലാ-കായിക മത്സരങ്ങള്‍, പൂക്കള മത്സരം, മഹാബലി മത്സരം, കാരണവ കൂട്ടായ്മ എന്നിവയാണ് സംഘടിപ്പിച്ചത്.
ഓണാഘോഷ പരിപാകടികള്‍ക്ക് സമാപനം കുറിച്ചു നടത്തിയ സാംസ്‌കാരിക ഘോഷയാത്ര ഡി.വൈ.എഫ്.ഐ തൊടുപുഴ ബ്ലോക്ക് സെക്രട്ടറി എം.പി അരുണ്‍ ഫഌഗ് ഓഫ് ചെയ്തു.
കുന്നത്തുപാറയില്‍ ചേര്‍ന്ന സമാപന സമ്മേളനം സിനിമാതാരം നിശാന്ത് സാഗര്‍ ഉദ്ഘാടനം ചെയ്തു.
മണക്കാട് ഗ്രാമപഞ്ചായത്ത് വൈസ് പ്രസിഡന്റ് ബി. ഹരി അധ്യക്ഷനായി. കാരണവ കൂട്ടായ്മയും പ്രതിഭാസംഗമവും സി.ഐ.ടി.യു ജില്ലാ ജോയിന്റ് സക്രട്ടറി ടി. ആര്‍ സോമന്‍ ഉദ്ഘാടനം ചെയ്തു.
മത്സര വിജയികള്‍ക്കുള്ള സമ്മാനങ്ങള്‍ മണക്കാട് സഹകരണ ബാങ്ക് പ്രസിഡന്റ് വി. ബി ദിലീപ്കുമാര്‍ വിതരണം ചെയ്തു.
ലൈബ്രറി കൗണ്‍സില്‍ തൊടുപുഴ താലൂക്ക് സെക്രട്ടറി പി.കെ സുകുമാരന്‍, ഗ്രാമപഞ്ചായത്തംഗം ബി. ബിനോയി, ഡി.വൈ.എഫ്.ഐ ബ്ലോക്ക് കമ്മിറ്റി പ്രസിഡന്റ് കെ കെ ഷിംനാസ്, എം മധു, പ്രമോദ് ബാബു, അര്‍നോള്‍ഡ് ബാബു, ബിബിന്‍ വിന്‍സന്റ്, മനീഷ് ഗുപ്ത സംസാരിച്ചു.