കഠിനംകുളം: മുതിര്‍ന്ന മാധ്യമ പ്രവര്‍ത്തക ഗൗരി ലങ്കേഷിന്റെ കൊലപാതകത്തില്‍ പ്രതിഷേധിച്ച് തുമ്പ സെന്റ് സേവിയേഴ്‌സ് കോളജില്‍ വിദ്യാര്‍ഥികളും അധ്യാപകരും പ്രതിഷേധ സംഗമം സംഘടിപ്പിച്ചു.
കോളജില്‍ പ്രവര്‍ത്തിക്കുന്ന മീഡിയ ക്ലബ്, വിമന്‍സ് സ്റ്റഡീസ് സെന്റര്‍, ഐക്കഫ് എന്നീ സംഘടനകളുടെ ആഭിമുഖ്യത്തില്‍ നടത്തിയ പ്രതിഷേധറാലിയും സമ്മേളനവും ഡെപ്യൂട്ടി സ്പീക്കര്‍ വി. ശശി ഉദ്ഘാടനം ചെയ്തു. കോളജ് പ്രിന്‍സിപ്പല്‍ ഫാ. വി.വൈ ദാസപ്പന്‍, പി.ടി.എ പ്രസിഡന്റ് എം. ജലീല്‍, മീഡിയ ക്ലബ് കണ്‍വീനര്‍ ഡോ.ടി.കെ സന്തോഷ്‌കുമാര്‍, വിമന്‍സ് സ്റ്റഡീസ് സെന്റര്‍ കോഡിനേറ്റര്‍ രസ്മി പൗലോസ് ഐക്കഫ് കണ്‍വീനര്‍ എം. രാജേഷ്, വിദ്യാര്‍ഥി പ്രതിനിധി നിസി ജോണ്‍ സംസാരിച്ചു.