ന്യൂഡല്‍ഹി: കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയ്‌ക്കെതിരെ രൂക്ഷ പ്രതികരണവുമായി കേന്ദ്ര വാര്‍ത്താ വിതരണ പ്രക്ഷേഫപണ മന്ത്രി സ്മൃതി ഇറാനി. രാഹുലിനെ പരാജയപ്പെട്ട നേതാവെന്ന് വിളിച്ച സ്മൃതി കുടുംബ പാരമ്പര്യം കൊണ്ട് മോദിയെ നേരിടാന്‍ കഴിയില്ലെന്നും പറഞ്ഞു.

സ്വന്തം രാജ്യത്തെക്കുറിച്ചുള്ള തീരുമാനമങ്ങള്‍ ഇവിടെ എന്ത് കൊണ്ട് രാഹുല്‍ അവതരിപ്പിക്കുന്നില്ലെന്ന് അവര്‍ ചോദിച്ചു. രാജ്യത്ത് പിന്തുണയില്ലാത്തത് കൊണ്ടാണ് രാഹുല്‍ വിദേശത്ത് പോയി ബി.ജെ.പിയെ വിമര്‍ശിക്കുന്നതെന്നും അവര്‍ പറഞ്ഞു.

വരുന്ന ലോകസഭ തെരഞ്ഞെടുപ്പില്‍ പ്രധാനമന്ത്രി സ്ഥാനാര്‍ഥിയായി മത്സരിക്കാന്‍ തയ്യാറാണെന്ന രാഹുലിന്റെ പ്രസ്താവനയ്ക്ക് പിന്നാലെയാണ് വിമര്‍ശനവുമായി സ്മൃതി ഇറാനി രംഗത്തുവന്നത്.