വടകര: ബസില്‍ സ്‌കൂള്‍ വിദ്യാര്‍ഥിനിയെ പീഡിപ്പിച്ച സംഭവത്തില്‍ യുവാവ് അറസ്റ്റില്‍. വില്യാപ്പള്ളി പൊന്മേരി എടക്കുടി നിജിത്താണ് (24) പിടിയിലായത്. വടകര-വില്യാപ്പള്ളി-ആയഞ്ചേരി റൂട്ടിലോടുന്ന ബസില്‍ തിരക്കിനിടയില്‍ പെണ്‍കുട്ടിയെ ശല്യം ചെയ്യുകയായിരുന്നു. വിദ്യാര്‍ഥിനിയുടെ പരാതി പ്രകാരം എസ്.ഐ സനല്‍രാജും സംഘവും പ്രതിയെ പിടികൂടി. ഇയാളുടെ പേരില്‍ നേരത്തെയും പീഡനം ഉള്‍പെടെയുള്ള കേസുള്ളതായി പൊലിസ് അറിയിച്ചു. സി.ഐ മധുസൂദനന്‍നായരാണ് കേസന്വേഷിക്കുന്നത്. പോക്‌സോ നിയമപ്രകാരം അറസ്റ്റിലായ പ്രതിയെ ജില്ലാകോടതിയില്‍ ഹാജരാക്കുമെന്നു പൊലിസ് അറിയിച്ചു.