റിയോ ഡി ജനീറോ: വിമാനാപകടത്തില്‍ ഭൂരിഭാഗം താരങ്ങളെയും നഷ്ടപ്പെട്ട ഷെപ്പകോയിന്‍സ് ടീം സ്വന്തം പരിശീലകന്‍ വിന്‍ഷ്യസ് യൂട്രോപ്പിയോയെ പുറത്താക്കി. കളിക്കളത്തിന് പുറത്തെ ദുരന്തത്തിന് പുറമേ ബ്രസീലിന് സീരി എ ടൂര്‍ണമെന്റില്‍ അവസാന സ്ഥാനങ്ങളിലൊന്നാണ് ടീമിന് സ്വന്തമാക്കാനായത്.
രണ്ടു മാസത്തിനിടെ ക്ലബ് രണ്ടാമത്തെ പരിശീലകനെയാണ് പുറത്താക്കുന്നത്. യൂട്രോപ്പിയോയെ പുറത്താക്കിയതായി ഷെപ്പകോയിന്‍സ് വ്യക്തമാക്കി.
നേരത്തെ വാഗ്നര്‍ മാന്‍സിനിയെ പുറത്താക്കിയാണ് യൂട്രോപ്പിയോയെ ക്ലബ് പരിശീലക സ്ഥാനത്ത് നിയമിച്ചത്. ടൂര്‍ണമെന്റില്‍ 12 മത്സരങ്ങളില്‍ മൂന്നെണ്ണം മാത്രമാണ് ഷെപ്പകോയിന്‍സിന് ജയിക്കാനായത്. ഇതോടെ തരംതാഴ്ത്തല്‍ ഭീഷണി നേരിടുകയാണ് ക്ലബ്.