നരിക്കുനി: പാടത്തു ചളിയിലും ചേറിലും അധ്വാനിച്ച് വിത്തിറക്കുന്നതിന്റെയും വിളവെടുക്കുന്നതിന്റെയും അനുഭൂതിയില്‍ ചക്കാലക്കല്‍ ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികള്‍. മുടങ്ങാതെ ഇത്തവണയും സ്‌കൂളിലെ കാര്‍ഷിക, പരിസ്ഥിതി ക്ലബ് വിദ്യാര്‍ഥികള്‍ വിളയാഞ്ചേരിത്താഴത്തെ രണ്ടേക്കര്‍ പാടത്ത് ജൈവ നെല്‍കൃഷിയിറക്കി.
മകരം മുപ്പതിന് കൊയ്‌തെടുക്കാവുന്ന വെതാണ്ഡം എന്ന പാരമ്പര്യ മകരനെല്ലാണ് ഞാറായി നട്ടത്. ഇന്നലെ രാവിലെ നടന്ന ചടങ്ങ് മടവൂര്‍ പഞ്ചായത്ത് പ്രസിഡന്റണ്ട് ഇന്‍ ചാര്‍ജ് ഷംസിയ മലയില്‍ ഉദ്ഘാടനം നിര്‍വഹിച്ചു. പ്രശസ്ത പരിസ്ഥിതി പ്രവര്‍ത്തകന്‍ പ്രൊഫ. ശോഭീന്ദ്രന്‍ മുഖ്യാതിഥിയായി. പി.കെ സുലൈമാന്‍ മാസ്റ്റര്‍, ജില്ലാ പഞ്ചായത്ത് അംഗം ഷക്കീല ടീച്ചര്‍, വി.സി റിയാസ്ഖാന്‍, ശശി ചക്കാലക്കല്‍, അനീഷ് ബാബു, പി.ടി.എ പ്രസിഡന്റണ്ട് കെ.എം അബൂബക്കര്‍, പ്രധാനാധ്യാപകന്‍ ടി. പ്രകാശ്, രവീന്ദ്രന്‍ കുന്ദമംഗലം, കെ. അഹമ്മദ്‌കോയ, വി. വിജയന്‍, പി. അബ്ദുറഹ്മാന്‍, ടി. സുഹറ, കെ.കെ നജീബ്, പി.കെ അന്‍വര്‍, ബിന്ദു എസ്. കൃഷ്ണ, ടി. മുസ്തഫ, അനസ് പ്രസംഗിച്ചു.