അമ്പലപ്പുഴ: ഓട്ടത്തിനിടയില്‍ നിയന്ത്രണം വിട്ട സ്വകാര്യ ബസ്സ് മരത്തിലിടിച്ച് രണ്ട് യാത്രക്കാര്‍ക്ക് ഗുരുതര പരിക്ക് ഇവരെ ആശുപത്രിയില്‍ പ്രവേശിപ്പിച്ചു.
അമ്പലപ്പുഴ വടക്ക് പഞ്ചായത്ത് കഞ്ഞിപ്പാടം ഏഴുപറചിറ വീട്ടില്‍ ഗ്ലോബി (65), കഞ്ഞിപ്പാടം അനിതാ ഭവനത്തില്‍ മുബാറക്കിന്റെ ഭാര്യ അനിത (22) എന്നിവരെയാണ് വണ്ടാനം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചത്. ഇന്നലെ രാവിലെ 10.30 ഓടെ നീര്‍ക്കുന്നം കഞ്ഞിപ്പാടം റോഡില്‍വെച്ചായിരുന്നു അപകടം. കഞ്ഞിപ്പാടത്ത് നിന്നും ആലപ്പുഴയ്ക്ക് പോകുകയായിരുന്ന ഓറഞ്ച് എന്ന സ്വകാര്യ ബസ്സ് നിയന്ത്രണം വിട്ട് റോഡിന് സമീപത്തെ മരത്തില്‍ ഇടിക്കുകയായിരുന്നു.
ബസ് യാത്രക്കാരായ ഇവര്‍ ബസ്സിനുള്ളില്‍ വീണ് തലക്കും കൈകാലുകള്‍ക്കും പരുക്കേല്‍ക്കുകയായിരുന്നു. അമ്പലപ്പുഴ പോലീസ് മേല്‍നടപടി സ്വീകരിച്ചു.