കണ്ണൂര്‍: വേങ്ങാട് വ്യാജ ത്വരീഖത്ത് കേന്ദ്രത്തില്‍ മുഖ്യമന്ത്രി എത്തിയത് ദൗര്‍ഭാഗ്യകരമായ സംഭവമാണെന്ന് സുന്നി യുവജന സംഘം. ആള്‍ദൈവങ്ങള്‍ക്കും അന്ധവിശ്വാസത്തിനും എതിരേ നിലപാടെടുക്കുകയും പ്രസംഗിക്കുകയും ചെയ്യുന്നവര്‍ തന്നെ ഇത്തരം പ്രവര്‍ത്തനങ്ങളില്‍ ഭാഗവാക്കാവുന്നത് ഒഴിവാക്കേണ്ടതായിരുന്നു. ഇത്തരം സന്ദര്‍ശനങ്ങള്‍ പൊതുസമൂഹത്തി ന് തെറ്റായ സന്ദേശം നല്‍കുമെന്നും എസ്.വൈ.എസ് ജില്ലാ ട്രഷററും വേങ്ങാട് മഹല്ല് മുസ്‌ലിം ജമാഅത്ത് സെക്രട്ടറിയുമായ കെ.പി ഉസ്മാന്‍ ഹാജി വേങ്ങാട് പ്രസ്താവനയില്‍ അറിയിച്ചു.