തലശ്ശേരി: സഹോദരിയെയും അനന്തരവളെയും തോക്കുചൂണ്ടി ഭീഷണിപ്പെടുത്തിയതിന് യുവാവിനെ അറസ്റ്റ് ചെയ്തു. തലശ്ശേരി ഹോളോവെ റോഡ് ഗോവര്‍ദ്ധനം വീട്ടില്‍ ഉണ്ണി എന്നു വിളിക്കുന്ന അരവിന്ദ് രത്‌നാകരന്‍(38) ആണ് അറസ്റ്റിലായത്. ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. അരവിന്ദിന്റെ സഹോദരി രത്‌നപ്രഭയുടെ മകള്‍ പ്രണതി ആണ് പരാതിക്കാരി. ഞായറാഴ്ച ജോസ് ഗിരിക്ക് സമീപത്തെ വീട്ടിലെത്തിയ അരവിന്ദ് തന്നെയും അമ്മയെയും തോക്കുചൂണ്ടി ഭീഷണിപ്പെടുത്തുകയും ദേഹോപദ്രവം ഏല്‍പിക്കുകയും ചെയ്തുവെന്നാണ് പരാതി.