ആലക്കോട്: കേരള വ്യാപാരി വ്യവസായി ഏകോപന സമിതി കരുവഞ്ചാല്‍ യൂണിറ്റ് യൂത്ത് വിങ്ങിന്റെ ആഭിമുഖ്യത്തില്‍ വ്യാപാരിദിനം വിവിധ പരിപാടികളോടെ ആചരിച്ചു.
മേഖല സെക്രട്ടറി ജോണ്‍ തെക്കേ പറമ്പില്‍ ഉദ്ഘാടനം ചെയ്തു. കരുവഞ്ചാല്‍ ടൗണില്‍ സൗജന്യ മന്ത് രോഗ നിര്‍ണയ കാംപും മരുന്ന് വിതരണവും നടുവില്‍ പഞ്ചായത്ത് സ്റ്റാന്റിങ് കമ്മിറ്റി ചെയര്‍പേഴ്‌സന്‍ ഷൈനി വട്ടക്കാട് ഉദ്ഘാടനം ചെയ്തു. ജെയിംസ് പുത്തന്‍പുര അധ്യക്ഷനായി. യൂണിറ്റ് സെക്രട്ടറി ടോമി ജോസഫ് വ്യാപാരദിന സന്ദേശം നല്‍കി. തോമസ് പുത്തന്‍പുര, ഹെല്‍ത്ത് ഇന്‍സ്‌പെക്ടര്‍ ജി.പി ബിജു, കെ.എം അരുണ്‍ലാല്‍, സി.കെ അബ്ദു സംസാരിച്ചു.