പാലക്കാട്: മോണ്‍ട്രിയോള്‍ പ്രോട്ടോക്കോളിന്റെ 30ാം വാര്‍ഷികാഘോഷത്തിന്റെ ഭാഗമായി യു.എന്‍.ഇ.പിയുടെ ഓസോണ്‍ സെക്രട്ടറിയേറ്റിന്റെ നിര്‍ദേശപ്രകാരം കേന്ദ്ര വനം-പരിസ്ഥിതി മന്ത്രാലയം ദേശീയ ഹരിത സേനയുടെയും പരിസ്ഥിതി ക്ലബ്ബുകളുടെയും നേതൃത്വത്തില്‍ ജലശ്ചായ മത്സരവും, മുദ്രാവാക്യ നിര്‍മാണ മത്സരവും നടത്തുന്നു. ഓസോണ്‍ കവച സംരക്ഷണം ആണ് വിഷയം.
പതിമൂന്നിനും പതിനേഴിനും ഇടയില്‍ പ്രായമുള്ള വിദ്യാര്‍ഥികള്‍ക്ക് പങ്കെടുക്കാം. വ്യത്യസ്ത ഡ്രോയിങ് ഷീറ്റിലാണ് വിഷയങ്ങള്‍ അവതരിപ്പിക്കേണ്ടത്. സ്‌കൂള്‍ തലത്തില്‍ ഒന്നാം സമ്മാനാര്‍ഹരുടെ ഷീറ്റുകള്‍ സ്റ്റേറ്റ് കോഓര്‍ഡിനേറ്റര്‍, എന്‍.ജി.സി, കേരള ശാസ്ത്ര സാങ്കേതിക പരിസ്ഥിതി കൗണ്‍സില്‍, ശാസ്ത്ര ഭവന്‍, പട്ടം, തിരുവനന്തപുരം 4 എന്ന വിലാസത്തില്‍ എത്രയും വേഗം കിട്ടത്തക്കവിധത്തില്‍ അയക്കണം.
ദേശീയ തലത്തില്‍ സമ്മാനാര്‍ഹരാകുന്നവര്‍ക്ക് 10000, 7500, 5000 തുടങ്ങി നിരവധി പ്രോത്സാഹന സമ്മാനങ്ങളും ഉണ്ടാകും.
പാലക്കാട് ജില്ലയിലെ ദേശീയ ഹരിതസേന, പരിസ്ഥിതി ക്ലബ്ബുകള്‍ അവരുടെ പ്രവര്‍ത്തന ഫണ്ടില്‍ നിന്നും സ്‌കൂള്‍ തലത്തില്‍ മത്സര വിജയികള്‍ക്ക് സമ്മാനങ്ങള്‍ നല്‍കാവുന്നതാണെന്ന് ജില്ലാ കോഓര്‍ഡിനേറ്റര്‍ എസ്. ഗുരുവായൂരപ്പന്‍ അറിയിച്ചു.
ബാങ്ക് അക്കൗണ്ട് വിവരം ഇതുവരെ നല്‍കാത്ത ബന്ധപ്പെട്ട യു.പി, ഹൈസ്‌കൂള്‍, ഹയര്‍ സെക്കന്‍ഡറി സ്‌കൂളുകള്‍ ഉടന്‍ ിഴരുമഹമസസമറ@ഴാമശഹ.രീാ എന്ന മെയില്‍ വിലാസത്തില്‍ നിശ്ചിത ഫോറത്തില്‍ വിവരങ്ങള്‍ അടിയന്തിരമായി നല്‍കേണ്ടതാണ്. ഫോണ്‍: 9447700321.