തൃശൂര്‍: 400 ഗ്രാം കഞ്ചാവുമായി രണ്ടു പേരെ പടിഞ്ഞാറേ കോട്ടയില്‍ നിന്ന് തൃശൂര്‍ എക്‌സൈസ് സ്‌പെഷ്യല്‍ സ്‌ക്വാഡ് അറസ്റ്റ് ചെയ്തു.
തൃശൂര്‍ പുല്ലഴി ഒളരിക്കരിക്കര കൊട്ടില്‍ റോഡ് ഞാറ്റുവെട്ടി ബാലന്‍ എന്നു വിളിക്കുന്ന അനൂപ് (28), അയ്യന്തോള്‍ എസ്.എന്‍ പാര്‍ക്കില്‍ താമസിക്കുന്ന തമിഴ്‌നാട് സ്വദേശി രാജു എന്ന കാമാക്ഷി (62) എന്നിവരാണ് അറസ്റ്റിലായത്.
ചില്ലറ വില്‍പനയ്ക്കായി 75 പൊതികളിലായി സൂക്ഷിച്ച നിലയിലായിരുന്നു കഞ്ചാവ്. പൊതിക്ക് 500 രൂപ എന്ന നിരക്കിലാണ് ഇവര്‍ കഞ്ചാവ് വിറ്റിരുന്നതെന്ന് എക്‌സൈസ് പറഞ്ഞു.
തമിഴ്‌നാട്ടില്‍ നിന്ന് കഞ്ചാവെത്തിച്ച് വില്‍ക്കുന്നതാണ് ഇവരുടെ പതിവ്. സ്‌പെഷ്യല്‍ സ്‌ക്വാഡ് സി.ഐ ജി. ഹരികൃഷ്ണപിള്ളയുടെ നേതൃത്വത്തില്‍ ഇന്‍സ്‌പെക്ടര്‍ എസ്. ശ്രീകുമാര്‍, പ്രിവന്റീവ് ഓഫീസര്‍മാരായ ജിന്റോ ജോണ്‍, തോമസ് ദേവസി, ഒ.എസ് സതീഷ് , സിവില്‍ എക്‌സൈസ് ഓഫീസര്‍മാരായ കെ.എം വിനോദ്, പി.വി വിശാല്‍, എം.യു ഗിരിധരന്‍ നടത്തിയ പരിശോധനയിലാണ് പ്രതികള്‍ കുടുങ്ങിയത്.