വടക്കാഞ്ചേരി : ചിറ്റണ്ട മേഖലയില്‍ കഴിഞ്ഞ രാത്രി ഉണ്ടായ ശക്തമായ മിന്നലില്‍ വ്യാപക നാശനഷ്ടം. ജ്ഞാനോദയം യു.പി സ്‌കൂള്‍ പരിസരത്തെ നിരവധി വീടുകളില്‍ ഗൃഹോപകരണങ്ങള്‍ കത്തിനശിച്ചു. സ്വിച്ച് ബോര്‍ഡുകള്‍ പൊട്ടിതെറിച്ചു. ഏതാനും വീടുകളുടെ ചുമരുകള്‍ വിണ്ട് കീറി. പാലിശ്ശേരി സുരേന്ദ്രന്‍ , കുന്നശ്ശേരി രവി, കളത്തിന്‍ പടി കാളി, പട്ടത്തുവളപ്പില്‍ വിജയന്‍ , മങ്കാത്ത് രാജു, മച്ചാത്ത് വിജയകുമാരി, മച്ചാത്ത് സുനിത, കോട്ട പുളിക്കല്‍ രാധാകൃഷ്ണന്‍, പാലിശ്ശേരി കുട്ടന്‍, പാലിശ്ശേരി രാധാകൃഷ്ണന്‍, ആലിക്കല്‍ രാധാകൃഷ്ണന്‍ എന്നിവരുടെ വീടുകളിലെ ഇലക്ട്രോണിക് ഉപകരണങ്ങളും മീറ്റര്‍ ബോഡും ചിറ്റയിലെ കേരള വിഷന്‍ കേബിള്‍ ഓഫീസിലെ ഉപകരണങ്ങളും കത്തിനശിച്ചു. ഏതാനും വീടുകളുടെ മതിലുകള്‍ തകര്‍ന്നിട്ടുണ്ട്. ലക്ഷകണക്കിന് രൂപയുടെ നാശനഷ്ടം സംഭവിച്ചിട്ടുണ്ട്.