ഗുരുവായൂര്‍ : ഗുരുവായൂര്‍ ക്ഷേത്ര ചുറ്റ് മതിലിന് ഇനി ചുമര്‍ചിത്ര ശോഭ. ഗുരുവായൂര്‍ ദേവസ്വം ചുമര്‍ ചിത്ര പഠന വകുപ്പിന്റെ നേതൃത്വത്തില്‍ വരച്ച ചുമര്‍ ചിത്രത്തിന് ദേവസ്വം മന്ത്രി കടകംപ്പിള്ളി സുരേന്ദ്രന്‍ നേത്രോന്മീലനം നടത്തി.
കണ്ണന്റെ കണ്ണിന് കറുപ്പ് നിറം നല്‍കിയാണ് മിഴി തുറന്നത് .? ദേവസ്വം ചെയര്‍മാന്‍ , എന്‍ പീതാംബര കുറുപ്പ് , ഭരണ സമിതി അംഗങ്ങള്‍ , അഡ്മിനിസ്ട്രാറ്റര്‍ സി സി ശശി ധരന്‍ തുടങ്ങിയവര്‍ സംബന്ധിച്ചു .
ഏപ്രിലില്‍ വൈശാഖകാലത്ത് ക്ഷേത്ര മതിലില്‍ ചുമര്‍ ചിത്ര രചന ആരംഭിച്ചത് . ഇപ്പോഴത്തെ വിദ്യാര്‍ത്ഥികളും , നേരത്തെ ഇവിടെ ചുമര്‍ ചിത്ര പഠനം നടത്തിയവരും അടങ്ങുന്ന സംഘമാണ് ചിത്രങ്ങള്‍ ആലേഖനം നടത്തിയത്.
ചുമര്‍ ചിത്ര പഠന വകുപ്പിലെ കെ യു കൃഷ്ണ കുമാര്‍ , സീനിയര്‍ ഇന്‍സ്ട്രക്ടര്‍ നളിന്‍ ബാബു , എന്നിവരുടെ നേതൃത്വത്തില്‍ അബീഷ് , സന്തോഷ് , സതീഷ്, തരുണ്‍ , ശ്രീരാജ് ,ശശി തുടങ്ങിയ പൂര്‍വ വിദ്യാര്‍ഥികള്‍ അടക്കമുള്ള സംഘ മാണ് ചിത്രരചന പൂര്‍ത്തിയാക്കിയത് .